1 Corinto 16:19 - U Maganda A Baheta Ni Jesu-Cristo

¹⁹ Kumustaán kam nu mánnampalataya hide ti Asia. Kumustaán kam be tu ngahan nu Panginoon di Aquila sakay Priscila sakay u kákkapatkákka hide a mamággipun-ipun tu bilay de.

1 Corinto 16:19 ပူးပေါင်းရင်းမြစ်များ

Gimet 16:6

Sakay immangay di Pablo tu lugar nu Frigia sakay ti Galacia, dipo awan hide pinayagen nu Banal a Ispirito a mangaral tu Upos nu Diyos ti Asia.

Gimet 18:18

Káttapos ni itod a pangyayare ay nákpágyan pa ti Pablo ti sangan a aldew ti Corinto, sakay nagpaalam tu mánnampalataya hide. Káttapos ay immangay siya ti Cencrea a adene tu diget, kaguman na u magkabanga a Priscila sakay Aquila. Ti Cencrea ay nagpagapas siya ti buuk dipo natupad na dán u pananto na tu Diyos. Káttapos, nággabeng hide a patamo ti Siria.

Gimet 18:2

Nakilala na hod ti Aquila, essa a Judio a taga-Ponto. Káddedemát na la a gábwat ti Italia kaguman u kabanga na a ti Priscila. Lummakad hide hod dipo pinalakad ni emperador a Claudio u atanan a Judio ti Roma. Immangay ti Pablo tu bilay de,

Gimet 18:26

Mabegsák u pággisipan na a mangaral tu sinagoga nu Judio hide. Nikuna masaneg nu magkabanga a Aquila sakay Priscila u págpaliwanag ni Apolos ay inakit de siya tu bilay de. Sakay impaliwanag di pa nikuna ti husto u bagay hide a awan na palla tukoy tungkul tu pamamaraan nu Diyos.

Gimet 19:10

Nagnalay siya hod ti duwwa a taon, kanya u tolay hide a mágyan ti Asia ay nakasaneg tu Upos nu Diyos, Judio man oni Griego.

Gimet 2:9

Tehhod nikitam a taga-Partia, te taga-Media, taga-Elam, te gábwat be ti Mesopotamia, ti Judea, Capadocia, ti Ponto sakay ti Asia.

Roma 16:15

Ikumustaák moy be di Filologo, Julia, Nereo sakay tu kapatkákka na a bábbey a ti Olimpas, sakay tu atanan nu kákkapatkákka tu Panginoon a kaguman de hide.

Colosas 4:15

Ikumustaák moy dálla tu kákkapatkákka tam hide ti Laodicea, ni Nimfa sakay tu mánnampalataya hide a mamággipun-ipun tu bilay na.

2 Timoteo 4:19

Ikumustaák mo dálla tu magkabanga a di Priscila sakay ti Aquila, sakay tu pamilya ni Onesiforo.

Filemon 1:2

I sulatan iye ay para be tu kapatkákka tam a babbey a ti Apia, sakay ti Arquipo a kapareho tam a sundalo ni Cristo, Sakay para be tu mánnampalataya hide a mágsimba tu bilay mo.

1 Pedro 1:1

Hikán ti Pedro, apostol ni Jesu-Cristo, nagsulatak nikam a pinile hide nu Diyos a mákpágyan ti Ponto, Galacia, Capadocia, Asia, sakay Bitinia.

Pahayag 1:11

Kinagi na a, “Isulat mo u atanan a ketan mo, sakay ipatawed mo tu pitto a grupo nu mánnampalataya hide: ti Efeso, Esmirna, Pergamo, Tiatira, Sardis, Filadelfia, sakay ti Laodicea.”