1 Corinto 16:12 - U Maganda A Baheta Ni Jesu-Cristo

¹² Tungkul be tu kapatkákka tam a ti Apolos mahigpit ko siya a pinákpágguhunan a bumisita hina, kaguman nu kákkapatkákka hide, pero awan kan palla siya hina makaangay nadid. Pero ni tehhod kan a pagkakataun ay bumisita siya hina.

1 Corinto 16:12 ပူးပေါင်းရင်းမြစ်များ

Markos 6:21

Pero dimmemát labe u pagkakataun ni Herodias a pabuno ti Juan tu káddemát nu aldew nu kákkeenak ni Herodes. Naghanda ti Herodes ti makpal a makan sakay inimbitaan na u upisyales nu sundalo hide, sakay katoy bi hod u mágkayaman hide ti Galilea.

Gimet 15:34

[Pero mas ginusto ni Silas a mawahak ti Antioquia.]

Gimet 18:24

Tehhod a dimmemát a essa a Judio ti Efeso a Apolos u ngahan na, neenak siya ti Alejandria sakay malalake siya a magupos sakay makpal siya a tukoy tu Banal a Kasulatan.

Gimet 19:1

Mentaras katoy palla ti Apolos ti Corinto ay linakad be ni Pablo u mabuke-buked a lugar tu prubinsiya hanggan a nakademát siya ti Efeso. Netan na hod u sangan a mánnampalataya.

Gimet 24:25

Pero nikuna ipaliwanag ni Pablo a dapat mabiyag a malinis u tolay, sakay magpugád tu sadile para awan magkasala, sakay impaliwanag nabe u tungkul tu pághatul a dumemát ay neántingan ti gobernador Felix. Kinagi na, “Maare ka dán a lumakad, ipadulaw taka dálla a huway ni tehhodák dámman a odas.”

1 Corinto 1:12

U gusto ko a kagiyán, tehhod kan a magkagi a, “Tagasunudák ni Pablo.” U kagi be nu essa ay “Tagasunudák ni Apolos.” U kagi be nu agum ay “Tagasunudák ni Pedro,” oni te magkagi pa, “Tagasunudák ni Cristo.”

1 Corinto 3:22

hikán a ti Pablo, Apolos, sakay ti Pedro ay inyatád na para nikam. I munduway, u biyag, u kákkatay, sakay u panahun nadid sakay tu dumemát a panahun, iye a atanan ay neatád nikam para tu kapiyaan moy.

1 Corinto 3:5

Deya beman ti Apolos? Deyaák beman? Tagapagserbi kami la nu Diyos, ginamit nala tánni maakit kam a manalig ni Cristo. Gággimitán la nu balang essa u tarabaho a tinanggap na tu Panginoon.

Tito 3:13

Gimitán moy u makaya moy para matulungan di Apolos sakay ti Senas a abugadu tánni makapaghektat hide ti mabilis. Siguraduwán mo a awan hide magkulang tu atanan a kailangan de.

Tito 3:4

Pero nikuna nehayag dán nikitam u págmahal sakay kagbi nu Diyos a tagapagligtas tam,