1 Corinto 15:6 - U Maganda A Baheta Ni Jesu-Cristo

⁶ Káttapos ay pummeta siya tu mahigit a limma a datos a kákkapatkákka a namággipun-ipun. Makpal palla u biyag nide hanggan nadid, pero nágkatay dán u agum.

1 Corinto 15:6 ပူးပေါင်းရင်းမြစ်များ

Mateo 28:10

Kinagi nide ni Jesus, “Dyan kam manteng! Angay kam sakay kagiyan moy tu kákkapatkákka ko hide a umangay hide ti Galilea sakay ketanák de hod!”

Markos 16:7

Káttapos ay kinagi nu lállake nide, “Sumole kamon, sakay kagiyán moy tu disepulus na hide, lalo dán ni Pedro, a mágdipalongo siya nikam ti Galilea. Hod moy hod siya a ketan a konna tu kinagi na nikam.”

Gimet 13:36

Nikuna masunud dán ni David u atanan a kagustuwan nu Diyos ay natay siya sakay nelábbáng a kaguman nu ninunu na hide sakay nahunot.

Gimet 7:60

Sakay limmuhud ti Esteban sakay pimmákhaw, “Panginoon, patawadán mo hide ti kasalanan diyáy a ginimet de nikán!” Káttapos hod ay nahángsatan siya.

1 Corinto 15:18

Sakay bakán la ina, u gusto na a kagiyán atanan nu nágkatay dán hide a naniwala ni Cristo ay nepahamak.

1 Corinto 15:20

Pero u tatahoden ay nabiyag a huway ti Cristo bilang katunayan a biyagán na a huway u nágkatay dán hide.

1 Tesalonica 4:13

Kákkapátkákka mi hide, gusto me a matukuyan moy ni ánya u mangyare tu mánnámpalataya hide a nágkatay dán, tánni awan kam maglungkut a konna tu tolay hide a awan ti pag-asa.

1 Tesalonica 4:15

Sa iye i adalay nu Panginoon a kákkagiyán mi nikam: hikitam a biyag palla ay awan mágdipalongo tu mánnampalataya hide a nágkatay dán a tumagbu tu Panginoon.

2 Pedro 3:4

Sakay kagiyán de a, “Awan beman nagpananto ti Cristo a dumemát? Hadya ran siya nadid? Nágkatay dán u dáddakál me hide pero awan pade ti págbabagu sapul nikuna a lalangan i munduwáy.”