1 Corinto 15:56 - U Maganda A Baheta Ni Jesu-Cristo

⁵⁶ U kamandag nu kákkatay ay u kasalanan, sakay u kapangyariyan nu kasalanan ay naggábwat tu Kautusan.

1 Corinto 15:56 ပူးပေါင်းရင်းမြစ်များ

Juan 8:21

Huway a kinagi ni Jesus tu pinuno nu Judio hide, “Adeniyák dán a lumakad, pakaeehyukánnák moy, pero awan kam makaangay tu angayan ko. Matay kam a awan napatawad tu kasalanan moy hide.”

Juan 8:24

Kanya tatahoden u kinagi ko nikam a mágkatay kam a awan napatawad u kasalanan moy. Ni awan kam maniwala tu kinagi ko a, ‘Hikán ngane u pinaangay he nu Diyos,’ matay kam a talaga tu kasalanan moy hide.”

Roma 4:15

U Kautusan u dahilan ni bakin tehhod a parusa a gábwat tu Diyos. Dipo ni awan ti Kautusan ay awan be ti págsuway.

Roma 5:15

Pero u impamana ni Jesu-Cristo sakay tu kasalanan a impamana ni Adan ay dakál u pagkakaiba. Tatahoden a nakapangatád ti kamatayan tu makpal a tolay u kasalanan ni Adan, pero mas higit u kagbi sakay kaluub nu Diyos a dummemát tu makpal a tolay tu pamamagitan nu essa a tolay a ti Jesu-Cristo.

Roma 5:17

Ta dipo tu kasalanan nu essa a tolay ay naghare u kamatayan. Pero dipo tu ginimet nu essa a tolay a ti Jesu-Cristo, u tolay hide a timmanggap ti kagbi sakay kaluub nu Diyos, ay imbilang na a awan ti kasalanan, sakay maghare hide tu biyag a awan ti kahad.

Roma 5:20

U Kautusan ay inyatád nu Diyos tánni ketan nu tolay a makpal u kasalanan de, sakay nadag-dagen pa dipo tu Kautusan. Pero maski ni nadag-dagen u págsuway ay mas lalo a nadagdagen u habag nu Diyos.

Roma 6:23

Dipo u bayad nu kasalanan ay kamatayan, pero u kaluub nu Diyos ay biyag a awan ti kahád tu pamamag-itan ni Cristo-Jesus a Panginoon tam.

Hebreo 9:27

Netakda tu tolay a pumensan la a matay, káttapos ay u pághatul.