1 Corinto 15:45 - U Maganda A Baheta Ni Jesu-Cristo

⁴⁵ Konna he u nakasulat tu Kasulatan, “U kadipalonguwan a tolay a inatádden ti biyag ay ti Adan.” Pero u kadimodyanan a Adan ay ti Cristo a Ispirito a mángngatád ti biyag.

1 Corinto 15:45 ပူးပေါင်းရင်းမြစ်များ

Juan 1:4

Hod nikuna u biyag, sakay u biyag a iye u mangatád ti demlag tu isip nu tolay.

Juan 10:10

Dumemát u mágtakaw para magtakaw, mamuno sakay mangsida. Pero dimmemátták para magkahod u tolay hide ti biyag a masagana sakay malaya.

Juan 10:28

Atádden ko hide ti biyag a awan ti kahád, sakay awan hide mepahamak. Awan ti makaagew nide tu kamát ko.

Juan 14:19

Sabadit dálla a panahun ay awanák dán ketan nu taga-mundo hide, pero ketanák moy. Sakay dipo biyagák, hikam be ay mabiyag.

Juan 14:6

Timmábbeg ti Jesus nikuna, “Hikán u dilan, u tatahoden, sakay u biyag. Awan ti makaangay tu Ama ni awan tu pamamag-itan ko.

Juan 4:10

Kinagi ni Jesus nikuna, “Ni tukoy mo la ni ánya u inyatád nu Diyos, sakay ni deya i mák-enomáy niko ay hiko pa u mák-enom nikuna tán painumán na ka tu dinom a makapangatád ti biyag.”

Juan 4:14

pero u uminom tu dinom a iyatád ko ay awan dán mauwa-uwaw. Dipo u dinom a iyatád ko ay konna tu essa a hábwayan a awan makakatiyan. Sakay u tolay a tumanggap ti iye ay magkahod ti biyag a awan ti kahád.”

Juan 5:21

Ni kodya a biyagán nu Ama u patay hide ay konna bi hod a biyagán nu Anak u deyaman a gusto na a biyagán.

Juan 6:33

Dipo u makan a gabwat ti langet a inyatad nu Diyos ay awan ti iba nan u immogsad la a gábwat ti langet, siya u makapangatád ti biyag tu tolay hide ti munduway.”

Juan 6:54

Pero u kuman tu bággi ko sakay uminom tu dige ko ay magkahod ti biyag a awan ti kahád, sakay biyagán ko siya a huway tu katapusan a aldew.

Juan 6:57

U Ama ko a nangpaangay he nikan u pinaggabwatan ni biyag; kanya katoy be nikan u biyag a gabwat nikuna. Konna be tu kuman tu bággi ko ay atádden ku be siya ti biyag a gabwat nikan.

Juan 6:63

U Ispirito nu Diyos u mangatád ti biyag; awan iye magimet nu tolay. U upos hide a kinagi ko ay gábwat tu Ispirito a makapangatád ti biyag.

Juan 6:68

Timmábbeg ti Simon Pedro, “Panginoon ti deya pa beman angayan miyay? Katoy dán niko u upos a makapangatád ti biyag a awan ti kahád.

Gimet 3:15

Binuno moy u naggábwatan nu biyag, pero biniyag siya a huway nu Diyos. Hikame u makapagpatunay a nabiyag siya a huway.

Roma 5:17

Ta dipo tu kasalanan nu essa a tolay ay naghare u kamatayan. Pero dipo tu ginimet nu essa a tolay a ti Jesu-Cristo, u tolay hide a timmanggap ti kagbi sakay kaluub nu Diyos, ay imbilang na a awan ti kasalanan, sakay maghare hide tu biyag a awan ti kahad.

Roma 5:21

Kanya ni kodya a naghare u kasalanan tu pamamag-itan nu kamatayan, konna labe hod, maghare u habag nu Diyos sakay tu pángbilang na nikitam a awan ti kasalanan tu pamamag-itan nu Panginoon tam a ti Jesu-Cristo, tánni maranasan tam u biyag a awan ti kahád.

Roma 8:2

Dipo tu pákpagkaessa tam ni Cristo Jesus, ay napalaya kitamon tu kapangyariyan nu kasalanan sakay kamatayan tu pamamag-itan nu kapangyariyan nu Banal a Ispirito a makapangatád ti biyag.

1 Corinto 15:46

Pero u dipalongo a inyatád nu Diyos nikitam ay u bággi tam a pangluta pero káttapos ni iye ay palitan na iye ti bággi a panglanget.

Filipos 3:21

Káddemát ni itod a aldew ay baguwán na u mágkahina sakay matay a bággi tam sakay gimitán na a makalanget a konna tu bággi na. Gimitán na iye tu pamamag-itan nu kapangyariyan na a nangsakup na tu atanan a bagay.

Colosas 3:4

Ti Cristo u tatahoden a biyag moy, ni mehayag dán siya, ay mehayag kambe a kaguman na sakay mákbahagi kam tu karangalan na.

Hebreo 9:14

Pero mas dakál u magimet nu dige ni Cristo! Tu pamamag-itan nu awan ti katapusan a Ispirito ay inyalay na tu Diyos u sadile na bilang alay a awan ti kapintasan. U digi na u manglinis tu puso ay tu isip tam tán adággen tamon u gimet hide a awan ti kabuluhan sakay pagserbiyan tam u Diyos a biyag.

Pahayag 16:3

Imbulak nu kaduwwa a anghel u lasán nu malukung na tu diget. Kaya u diget ay nagin kumán a dige nu patay a tolay sakay u atanan a te biyag tu diget ay nágkatay.

Pahayag 21:6

Sakay kinagi na pa, “Natupad dán! Hikán u Alpa sakay u Omega, u sapul ay tu katapusan nu atanan. Ni deya man u mauwaw ay atádden ko ti dinom a awan ti bayad a gábwat tu bukal a makapangatád ti biyag a awan ti kahád.

Pahayag 22:1

Nadid, impeta be nikán nu anghel u konayan a makapangatád ti biyag. Tunay a lekmang u dinom a kumán a bubug. Gábwat iye a konayan tu trono nu Diyos sakay nu Tupa.

Pahayag 22:17

Kinagi nu Banal a Ispirito sakay u Bábbey a ikasal, “Karon he!” Sakay atanan a makasaneg ti iye ay magkagi be a, “Karon he!” Umadene u atanan a mauwaw; mangalap u masoh tu dinom a makapangatád ti biyag, awan iye ti bayad.