1 Corinto 15:31 - U Maganda A Baheta Ni Jesu-Cristo

³¹ Awan ti odas a awanák katoy tu dilikadu a kalagayan, kákkapatkákka! Ni kodya a tatahoden a ipágmadakál takam dipo tu pákpagkaessa tam ni Cristo Jesus a Panginoon tam, tatahoden be i kagiyán kuwan iye!

1 Corinto 15:31 ပူးပေါင်းရင်းမြစ်များ

Gimet 20:23

Nan sa iye u tukoy ko: a tu kada banuwan a inangayan ko ay impakapospos dán nikán nu Banal a Ispirito a maguhay dán nikán u kákkekulung sakay pághirap.

Roma 8:36

Ayun tu kinagi na tu Kasulatan a, “Alang-alang niko ay palagi a dilikadu ti kamatayan u biyag me. Kumán kame a u tupa hide a bunuwán.”

2 Corinto 1:12

Essa a bagay u mepagmadakál me: nabiyag kame ti matuwid sakay tapat tu atubang nu atanan a tolay, lalu dán nikam. Nagimet mi iye dipo tu kagbi nu Diyos bakán a tu pamamag-itan nu karunungan nu mundu. Sakay mapatunayan nu isip me a tatahoden u ipagmadakál me.

2 Corinto 11:23

Tukoy ko a kumánnák dán a essa a magaheng, pero ni kagiyán de a tagapagserbi hide ni Cristo, mas malalakeyák a tagapagserbi ni Cristo nan hide. Susubra u págpagud ko nan hide; sangan a besesák a nepireso, nabálbág sakay pirme a te áng-áng ti kamatayan.

2 Corinto 2:14

Pero magpasalamaták tu Diyos dipo siya u mángdipalongo tu págserbi me ni Cristo kaya lagi kame a magtagumpay. Hádya kami man a umangay ay gamitán kame nu Diyos para ipakilala ti Cristo tu tolay hide iye ay mehalimbawa tu kákkalat nu masáppot a ahob.

Filipos 3:3

Alalahanán moy a bakán a hide u tatahoden a ture nan hikitam, dipo u Banal a Ispirito u mánggiya nikitam tu págsamba tam tu Diyos sakay ipagmadakál tam u ginimet ni Cristo Jesus a siya u kasayaan tam. Awan kitam manalig tu pangluwas a seremonya a ipáppasunud de.

1 Tesalonica 2:19

Gugusto me a ketan mikam dipo hikam la u dahilan nu kasayaan me sakay hikam be u áasaan me para hikame ay maatadden ti gantimpala. Sakay u kurona a mepagmadakál me tu atubang nu Panginoon kássole na.

1 Tesalonica 3:9

Kodya mi wád a mapasalamatan ti husto u Diyos dipo tu kasayaan a natanggap me dipo nikam?