1 Corinto 15:28 - U Maganda A Baheta Ni Jesu-Cristo

²⁸ Ni nasakup dán nu kapangyariyan ni Cristo u atanan a bagay, u Anak dámman be u pasakup tu kapangyariyan nu Diyos a nángdátton tu atanan a bagay a nasakupan nu kapangyariyan nu Anak. Tu konna hod ay maghare u Diyos tu atanan.

1 Corinto 15:28 ပူးပေါင်းရင်းမြစ်များ

Juan 14:28

Nasaneg moy dán u kinagi ko tu itod a lumakadák pero soliyák labe nikam. Ni mahalák moy ay masaya kam tu káangay ko tu Ama, dipo mas dakila u Ama nan hikán.

1 Corinto 11:3

Pero gusto ko a maintendiyan moy a sakup ni Cristo u bawat lállake sakay u lállake u te sakup tu kabanga na sakay u Diyos u te sakup ni Cristo.

1 Corinto 12:6

Sakay tehhod be a iba-iba u ipagimet u Diyos tu balang essa nikitam pero u Diyos labe u nángkaluub tu kakayanan para gimitán iye hide.

1 Corinto 15:29

Nadid, te kaugaliyan u agum a tolay a magpabawtismo hide alang-alang tu nágkatay hide. Pero ni awan hide maniwala a huway a biyagán u nágkatay hide, bakin dipa a gimitán i kaugaliyan diyan itod?

1 Corinto 3:23

Sakay hikam ay para ni Cristo, sakay ti Cristo ay para tu Diyos.

Efeso 1:23

Hikitam a mánnampalataya hide u kumán a bággi ni Cristo, dipo atanan a hed ni Cristo ay hod nikitam. Siya u mangatád ti biyag tu atanan a bagay siya ay hod tu atanan a lugar.

Filipos 3:21

Káddemát ni itod a aldew ay baguwán na u mágkahina sakay matay a bággi tam sakay gimitán na a makalanget a konna tu bággi na. Gimitán na iye tu pamamag-itan nu kapangyariyan na a nangsakup na tu atanan a bagay.

Colosas 3:11

Kanya awan dán ti pagkakaiba u Griego sakay u Judio, u ture sakay u awan ture, ute nagadalan sakay oni awan ti nagadalan, u alipin sakay tu tolay a malaya. Para ni Cristo, awan ti pagkakaiba u atanan, dipo siya ay para tu atanan.