1 Corinto 15:17 - U Maganda A Baheta Ni Jesu-Cristo

¹⁷ Ni awan nabiyag a huway ti Cristo, ay awan kam ti pakinabang tu pánnampalataya moy sakay awan kam pade napatawad tu kasalanan moy hide.

1 Corinto 15:17 ပူးပေါင်းရင်းမြစ်များ

Gimet 5:31

Inyangay siya nu Diyos ti langet sakay inatádden ti kataasan a katungkulan a makaguman na a maghare ti langet. Siya u Mangsakup sakay Mángligtas nikitam. Ginimet itod nu Diyos tánni magkahod ti págkakataun u lahe hide ni Israel a magsise sakay mangaged ti tawad tu kasalanan de hide tánni mapatawad hide.

Roma 4:25

Impabuno de ti Jesus, dipo tu kasalanan tam hide, sakay biniyag a huway tánni mebilang kitam a awan ti kasalanan.

Roma 5:10

Tu itod ay kadima kitam nu Diyos, pero nadid ay tinanggap na kitamon a kaibigan na tu pamamag-itan nu kákkatay nu Anak na. Kanya nadid a tehhod kitamon a maganda a relasyon tu Diyos siguradu dán a iligtas na kitam tu pamamag-itan nu biyag ni Cristo.

1 Corinto 15:14

Ni awan nabiyag a huway ti Cristo ay awan ti kabuluhan u pángngaral me sakay awan kambe ti pakinabang tu pánnampalataya moy.

1 Corinto 15:16

Dipo ni awan nabiyag a huway u nágkatay hide ay awan be nabiniyag a huway ti Cristo.

1 Corinto 15:2

Tu pamamag-itan ni iye ay naligtas kam, ni masibát kam a maniwala tu upos a impangaral ko nikam, maliban dálla ni awan talaga tunay u kássampalataya moy.

1 Pedro 1:21

Dipo ni Cristo ay naniwala kamon tu Diyos a nangbiyag a huway nikuna, sakay nangatád nikuna ti kapangyariyan. Kanya u pánniwala moy sakay u pag-asa moy ay katoy tu Diyos.

1 Pedro 1:3

Magpasalamat kitam a pirme tu Diyos a Ama nu Panginoon tam a ti Jesu-Cristo. Dipo tu tunay a kadakál a kagbi na nikitam, kanya inatádden na kitam ti bigu a biyag, tu pamamag-itan nu kákkabiyag a huway ni Jesu-Cristo. Iye u nangatád nikitam ti biyag a pag-asa.