1 Corinto 14:37 - U Maganda A Baheta Ni Jesu-Cristo

³⁷ Ni tu pangakala nu deya man a tummanggap siya ti adal a gábwat tu Diyos oni maski ánya a kaluub nu Banal a Ispirito ay dapat na a tenggiyán a i sulat kuwáy nikam ay utus nu Panginoon.

1 Corinto 14:37 ပူးပေါင်းရင်းမြစ်များ

Lukas 10:16

Ni deya man u mangsaneg nikam ay hikán i sinaneg diyay sakay u awan mangtanggap nikam ay hikán i awan diyay tinanggap. U awan mangtanggap nikán ay awan di be tinanggap u nangutus nikán a umangay he.

Roma 12:3

Dipo tu págpapala a impagkaluub nu Diyos nikán ay piniliyák na para magtoldu tu upos na, kagiyán ko nikam a dyan moy pahalagaan u sadile moy ti mas higit tu nerarapat. Ni awan tenggiyán moy u tunay moy a kakayanan ayun tu pánnampalataya a inyatád nikam nu Diyos.

1 Corinto 14:29

Pabayan moy a magupos u duwwa oni tatlo a tolay a tummanggap tu kaluub a makapagpahayag tu upos a gábwat tu Diyos. Sakay suriyán be nu agum u kákkagiyán de.

1 Corinto 14:36

Awan dapat a iba u gággimitán moy kada magipun-ipun kam kasera tu gággimitán nu agum a mánnampalataya tu iba a banuwan. Bakay be ni pangakala moyay ay naggábwat nikam u upos nu Diyos, oni hikam la u nakatanggap he!

1 Corinto 14:38

U awan tumengge he ay dyan moy be tenggiyán.

1 Corinto 2:15

U tolay a te Ispirito nu Diyos ay maare na a matukuyan u kahalagaan nu atanan a bagay ni iye ay maganda oni awan pero u tolay a awan nikuna u Ispirito nu Diyos ay awan na matukuyan u tolay a tehhod a Ispirito nu Diyos.

1 Corinto 3:1

Nadid, kákkapatkákka, awan takam makauhon konna tu gággimitán ko tu tolay hide a katoy nide u Banal a Ispirito. Kailangan a kauhunán takam bilang tolay a mabiyag palla ayun tu kagustuwan nu bággi, sakay anak palla ti pánnampalataya ni Cristo.

1 Corinto 7:25

Nadid, tungkul be tu mámmadiket sakay tu bábbelo hide, awanák ti mekagi a utus a gábwat tu Panginoon. Pero bilang essa a tolay a mapagkatiwalaan dipo tu kagbi nikán nu Panginoon ay iye u mekagi ko,

1 Corinto 7:40

Pero palagay ko ay mas magin masaya siya ni awan dán siya mákkabanga a huway. Ina u makagi ko, sakay tukoy ko a he nikán u Ispirito nu Diyos.

1 Corinto 8:2

U tolay a magkagi a makpal dán siya a tukoy, ay kulang palla a talaga u tukoy na.

2 Corinto 10:12

Awan ko gusto a ibilang oni ipareho u sadile ko tu agum a magmadakál tu sadile de. Awan ti tukoy i tolayan ina hide! Dipo u sadile dila u ginimet de a sukatan sakay parisan.

2 Corinto 10:7

U problema nikam ay u panluwas la u áilingan moy. Tehhod hina a tolay a magkagi a hide kan ay tagapagserbi ni Cristo, ni konna hod ay dapat dibe a isipán a maski hikame ay hed ni Cristo.

2 Corinto 11:4

Dipo masaya kam a mangtanggap tu maskin deya a dumemát sakay mangaral ti iba a Jesus kesa tu impangaral me. Tinanggap moy u ispirito sakay adal a iba tu itáttoldu me nikam.

Galacia 6:8

Ni u sásunudán nu essa a tolay ay u hilig nu pilas na ay mepalulung siya. Pero u tolay a u Banal a Ispirito u sássunudán na ay magkahod siya ti biyag a awan ti kahád.

2 Pedro 3:2

U gusto ko ay lagi a sumariwa tu isip moy u upos nu prupeta hide nu Diyos tu itod, sakay u utus a inyatád nu Panginoon sakay Tagapagligtas tu pamamag-itan nu apostol hide, a pinaangay na hina nikam.

1 Juan 4:6

Pero kao kitamon nu Diyos kanya ni ti deyaman u tumenggi tu Diyos ay mágsaneg nikitam; pero awan mágsaneg nikitam u awan kao nu Diyos. Hed tam he a matukuyan ni tideya u magtoldu ti tatahoden a gábwat tu Ispirito nu Diyos sakay nitideya u magtoldu ti kakabuliyan a gábwat ni Satanas.

Judas 1:17

Mahal ko hide a kákkapatkákka, pirme moy a tandaan u kinagi hide nikam nu apostol hide nu Panginoon tam a ti Jesu-Cristo.