1 Corinto 14:26 - U Maganda A Baheta Ni Jesu-Cristo

²⁶ Ánya nadid u gusto ko a kagiyán ti iye hide a atanan, kákkapatkákka hide? Ni hikam ay mamággipun-ipun, ay dapat tehhod a mágkansiyon, tehhod a magtoldu, tehhod a magpahayag tu kaluuban nu Diyos, tehhod a magupos ti iba-iba a upos, sakay tehhod be a mángpaliwanag tu kákkagiyán na. Gimitán moy iye a atanan tánni lumagu u mánnampalataya hide.

1 Corinto 14:26 ပူးပေါင်းရင်းမြစ်များ

Roma 1:13

Mahal ko hide a kákkapatkákka, gusto ko a matukuyan moy ni sanganák dán a beses a mággagayakán pero tehhod la a hadlang. Gusto ko a umangay hina tánni tehhodák be a maakit ti pánnampalataya ni Cristo, konna tu ginimet ko tu bakán hide a Judio tu lugar hide a inangayan ko.

Roma 12:7

Ni u kaluub na ay tumulung tu kapareho, tumulung siya. Ni magtoldu, magtoldu siya,

Roma 14:19

Kanya pilitán tam a gimitán a palagi u bagay hide a makapangatád ti kapayapaan sakay makapángpatibay tu balang essa.

Roma 15:2

nan u ikaganda be nu agum, tánni mapabegsák be u pánnampalataya de.

1 Corinto 14:15

Kaya para nikán, ni magdasalák, bakán la au ispiritu ko u magdasal nan gamitán ku be u isip ko a magdasal. Konna bi hod ni mágkansiyonák. Mágkansiyonák tu pamamag-itan nu ispirito ko, pero gamitán ko be u isip ko a mágkansiyon.

1 Corinto 14:2

U tolay a magupos ti iba-iba a upos ay mákpágguhon tu Diyos, bakán a tu tolay dipo awan ti makaintendi nikuna. Tu kapangyariyan nu Banal a Ispirito magupos siya tungkul tu bagay hide a awan maintendiyan.

1 Corinto 14:27

Ni tehhod a magupos ti iba-iba a upos ay tama dán u duwwa oni tállo a mamáglewas-lewas sakay dapat a tehhod a mángpaliwanag tu kákkagiyán de.

1 Corinto 14:40

Pero gimitán moy u atanan a bagay tu tama sakay maayus a paraan.

2 Corinto 12:19

Akala moy beman ay isuhog ko u sadile ko? Awan! Mahal me hide a kákkapatkákka, kagiyán ko nikam nadid tu atubang nu Diyos sakay bilang alipin ni Cristo, a atanan nu gággimitán ko ay para bumegsák u pánnampalataya moy.

2 Corinto 13:10

Insulat ko iye hide a bagay mentras awanák palla hina, tánni káddemát ko ay awan ko dán kailangan a magpakatapang tu pánggamit tu kapangyariyan a inyatád nikán nu Panginoon. Iye a kapangyariyan ay inyatád na nikán para gamitán tu kapiyyaan moy, bakán a tu kasidaan moy.

Efeso 4:12

Ginimet na iye tánni ihanda tu págserbi u pinile na hide tánni lumagu sakay tumatag hide bilang bággi ni Cristo.

Efeso 4:16

Sakay tu pámmunu na, u atanan nu bahagi nu bággi a awan ti agum nan u mánnampalataya, pinagtongko-tongko na sakay u balang essa ay mamágtulungan. Sakay tu pánggimet nu kada essa tu tungkulin de a tehhod a págmahal, u atanan a parte nu bággi ay lumagu sakay bumegsák.

Efeso 4:29

Dyan kam magupos ti madukás; sikapán moy a palagi a u ikagi moy ay kapiyyaan nu agum sakay neayun tu pagkakataun tánni makinabang u makasaneg hide.

Efeso 5:19

Tu pággipun-ipun moy ay mágkansiyon kam ti kansiyon a papure para tu Diyos. Buo a puso kam a mágkansiyon sakay magpure tu Panginoon.

1 Tesalonica 5:11

Kaya pabegsákkán moy u isip nu balang essa sakay magtulungan kam konna tu gággimitan moy nadid a panahun.