1 Corinto 14:22 - U Maganda A Baheta Ni Jesu-Cristo

²² Ni konna hod, u kaluub a makapagupos ti iba-iba a upos ay essa a tanda para ipeta u kapangyariyan nu Diyos tu awan hide mánnampalataya, bakán a tu mánnampalataya hide. Pero u kaluub a magpahayag tu upos nu Diyos ay tanda para ipeta u kapangyariyan nu Diyos tu mánnampalataya hide, bakán a tu awan hide mánnampalataya.

1 Corinto 14:22 ပူးပေါင်းရင်းမြစ်များ

Markos 16:17

U sumampalataya hide ay atádden ti kapangyariyan a maggimet ti makataka-taka a bagay: tu ngahan ko ay magpalayas hide ti mágkadukás a ispirito sakay makapagupos hide ti iba-iba a upos.

Lukas 12:46

Dumemát u amo na tu odas a awan na asa-asaan sakay tu odas a awan na tukoy. Kaya ipisan siya nu amo na tu tolay hide a masassuwayan a parusaan.”

1 Corinto 14:1

Kaya hangadán moy a pirme a mepeta u pagmahal! Hangadán moy a magkahod kam tu kaluub hide a gábwat tu Banal a Ispirito, lalu dán u mángpahayag tu upos nu Diyos.

1 Timoteo 1:9

Tukoy tam be a u Kautusan ay bakán a para tu mágkabait a tolay, nan para tu awan hide sumássunud tu batas sakay tu loko hide. U Kautusan be ay para tu awan hide tumenggi tu Diyos sakay tu makasalanan hide, tu awan hide masoh a magin banal sakay tu awan hide ti galang tu Diyos. U Kautusan ay para be tu mámmuno hide tu dáddikál de sakay tu agum pa a mágbabonu hide,