1 Corinto 14:15 - U Maganda A Baheta Ni Jesu-Cristo

¹⁵ Kaya para nikán, ni magdasalák, bakán la au ispiritu ko u magdasal nan gamitán ku be u isip ko a magdasal. Konna bi hod ni mágkansiyonák. Mágkansiyonák tu pamamag-itan nu ispirito ko, pero gamitán ko be u isip ko a mágkansiyon.

1 Corinto 14:15 ပူးပေါင်းရင်းမြစ်များ

Gimet 21:22

Ánya nadid i dapat tamay a gimitán? Siguradu a mabaheta de a dimmemát ka.

Roma 1:9

Dipo tukoy nu Diyos a pagserbiyan ko ti buo a puso, tu pángngaral ko tu Maganda a Baheta tungkul tu Anak, na a palagi takam a idáddasal.

Roma 3:5

Nadid, te agum a tolay a magkagi a masmaganda kan a maggimet kitam ti madukás, para ketan kan nu tolay hide a tama u gimet nu Diyos. Kaya kákkagiyán de a awan na kitam kan dapat a parusaan tu kasalanan tam.

Roma 8:31

Nadid, ni isipán tam u atanan a mágkaganda a bagay a ginimet nu Diyos para nikitam dapat konna he u makagi tam: Ni u Diyos ay kakampe tam tideya u magtagumpay kontara nikitam?

1 Corinto 10:19

Ánya u gusto ko a kagiyán? Kinagi ko beman a tehhod a serbi u diyos-diyosan hide oni u makan a nealay tu diyos-diyosan hide?

1 Corinto 14:14

Dipo ni magdasalák ti iba-iba a upos, magdasal laay ay u ispirito ko, pero awan iye ti pakinabang para tu isip ko.

1 Corinto 14:19

Pero tu pamággipun-ipun nu mánnampalataya hide ay mas gusto ko pa a magupos ti limma a upos a maintendiyan sakay makapagtoldu tu agum, nan libu-libu a upos a awan labe ti makaintendi.

1 Corinto 14:26

Ánya nadid u gusto ko a kagiyán ti iye hide a atanan, kákkapatkákka hide? Ni hikam ay mamággipun-ipun, ay dapat tehhod a mágkansiyon, tehhod a magtoldu, tehhod a magpahayag tu kaluuban nu Diyos, tehhod a magupos ti iba-iba a upos, sakay tehhod be a mángpaliwanag tu kákkagiyán na. Gimitán moy iye a atanan tánni lumagu u mánnampalataya hide.

Efeso 6:18

Sakay palagi kam a magdasal tu Diyos a tulungan nakam, sakay diyan kam magpabaya nan ipagdasal moy u atanan nu mánnampalataya hide ni Cristo, sakay palagi moy a sunudán u pággiya nu Banal a Ispirito nikam tu págdasal moy.

Filipos 1:18

Pero awan ti ányapaman itod hide a atanan nikán. Mahalagaay ay mepangaral ti Cristo maski ánya a kaparaan, tapat man oni awan u layunin de tu pángngaral de. U essa ku pa a kasayaan

Colosas 3:16

U upos hide ni Cristo ay iyasák moy tu isip moy. Mamágpaala-alaan kam sakay mamágtolduwan tu balang essa ayun tu karunungan a kaluub nu Diyos. Mágkansiyon kam ti pang-ispirituwal a kansiyon a gábwat tu Diyos a te págpasalamat.

Santiagu 5:13

Tehhod beman nikam a maghirap? Dapat magdasal siya tu Diyos. Tehhod beman nikam a masaya? Dapat magkansiyon siya ti papure tu Diyos.

Judas 1:20

Pero kákkapatkákka ko hide, magpakatatag kam tu malinis moy a pánnampalataya. Magdasal kam tu tulung nu Banal a Ispirito.