1 Corinto 14:12 - U Maganda A Baheta Ni Jesu-Cristo

¹² Dipo tu hangad moy tu kaluub hide nu Banal a Ispirito, dapat sikapán moy a sumagana kam tu kaluub a makapangpalagu tu mánnampalataya hide.

1 Corinto 14:12 ပူးပေါင်းရင်းမြစ်များ

Roma 14:19

Kanya pilitán tam a gimitán a palagi u bagay hide a makapangatád ti kapayapaan sakay makapángpatibay tu balang essa.

1 Corinto 12:31

Pero sikapán moy a magkahod ti kaluub a makatulung tu kapiyaan nu kákkapatkákka tam ti pánnampalataya. Sakay nadid ay itoldu ko nikam u pinakamaganda ti atanan.

1 Corinto 12:7

Inatádden nu Banal a Ispirito u balang essa nikitam ti sadile tam a kaluub, tánni magserbi kitam tu kaguman tam hide para tu kapiyaan de.

1 Corinto 14:1

Kaya hangadán moy a pirme a mepeta u pagmahal! Hangadán moy a magkahod kam tu kaluub hide a gábwat tu Banal a Ispirito, lalu dán u mángpahayag tu upos nu Diyos.

1 Corinto 14:13

Kaya ngane dapat a ipagdasal nu magupos ti iba-iba a upos a atádden be siya ti kaluub a makapángpaliwanag ti iye.

1 Corinto 14:26

Ánya nadid u gusto ko a kagiyán ti iye hide a atanan, kákkapatkákka hide? Ni hikam ay mamággipun-ipun, ay dapat tehhod a mágkansiyon, tehhod a magtoldu, tehhod a magpahayag tu kaluuban nu Diyos, tehhod a magupos ti iba-iba a upos, sakay tehhod be a mángpaliwanag tu kákkagiyán na. Gimitán moy iye a atanan tánni lumagu u mánnampalataya hide.

1 Corinto 14:5

Nadid, gusto ko nakwan a makapagupos kam a atanan tu iba-iba a upos, pero mas gusto ko a makapagpahayag kam tu upos nu Diyos. Dipo u tolay a mágpahayag tu upos nu Diyos ay mas mahalaga nan makapagupos ti iba-iba a upos, maliban dálla ni tehhod a mágpaliwanag tu kahulugan nu kákkagiyán na tánni bumegsak u mánnampalataya hide.

Tito 2:14

Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.