1 Corinto 13:13 - U Maganda A Baheta Ni Jesu-Cristo

¹³ Kaya i tálluwan iye ay manatile: u pánnampalataya, pag-asa, sakay págmahal; pero u pinakamahalaga ti tálluwan iye ay u págmahal.

1 Corinto 13:13 ပူးပေါင်းရင်းမြစ်များ

Lukas 10:27

Timmábbeg siya, “Mahalán mo u Panginoon mo a Diyos ti buo a puso, ti buo a kaliduwwa, ti buo begsák sakay tu buo mo a isip; Sakay mahalán mo u kapareho mo a tolay konna tu pángmahal mo tu sadile mo.”

Lukas 22:32

Pero indaddasal taka a awan manghina u pánnampalataya mo. Ipamenák mo pero pagsisiyan mo labe, kaya gusto ko a tulungan mo u kakagumanan mo hide tánni bumegsák u pánnamplataya de.”

Roma 15:13

Nakwa u Diyos a mangatád nikitam ti pag-asa ay siya u mangatád nikam ti kasayaan sakay kapayapaan dipo tu pánnampalataya moy nikuna, tánni tulos-tulos a lumagu u pag-asa moy tu pamamag-itan nu Banal a Ispirito.

1 Corinto 14:1

Kaya hangadán moy a pirme a mepeta u pagmahal! Hangadán moy a magkahod kam tu kaluub hide a gábwat tu Banal a Ispirito, lalu dán u mángpahayag tu upos nu Diyos.

1 Corinto 16:14

Anya man u gimitán moy ay dapat gimitán moy a tehhod a págmahal.

1 Corinto 3:14

Ni awan natutod u netaknág tu dibbew nu pundasyon ay makatanggap ti gantimpala u nángpataknág hod.

1 Corinto 8:1

Nadid, iye u metábbeg ko tu tanung moy tungkul tu makan a nealay tu diyos-diyosan hide. Tukoy tam, “a tehhod kitam a karunungan a atanan.” Iye a “karunungan” u rason tánni magin palalo u tolay, pero u págmahal u makapangpatibay nikitam.

1 Corinto 8:3

Pero u mangmahal tu Diyos u kilalaán na a kao na.

2 Corinto 5:10

Dipo atanan tam ay umatubang ni Cristo, sakay hatulan na u ginimet tam hide maganda man oni madukás, mentaras biyag kitam palla he ti munduáy. Tanggapán nu balang essa u karapat-dapat a hatul ayun tu ginimet na.

2 Corinto 5:15

Natay siya para tu kapiyaan nu atanan a tolay, tánni u atanan a biyag, ay awan dán mabiyag para tu sadile de, nan para ni Cristo, a natay sakay nabiyag a huway para nide.

Galacia 5:6

Tu nákpagkaessa dán ni Jesu-Cristo ay awan dán mahalaga ni awan nature oni nature u essa a tolay. U mahalaga ay u pánnampalataya ni Cristo a ketan tu gimet dipo tu págmahal.

Filipos 1:9

Idáddasal ko a nakwa ay lalo pa a lumagu u págmahal moy tu balang essa, sakay maaguman ti karunungan sakay madisalad a pákkatukoy.

Colosas 1:27

Ginusto nu Diyos a ihayag tu atanan a tolay u dakila sakay makataka-takaan iye a planu na, a awan ti agum nan ti Cristo a katna nikam. Dipo nikuna ay nakasigudu kitam tu pag-asa tam a makaguman kitam tu kahariyan nu Diyos.

Colosas 1:5

dipo tu pag-asa a matanggap moy u nehanda para nikam ti langet. Natukuyan moy u tungkul ti pag-asaan iye nikuna a ibaheta nikam u upos nu tatahoden; iye u Maganda a Baheta a dimmemát nikam.

Colosas 3:14

Sakay higit tu atanan, magmahalan kam dipo iye u mangatád ti tunay a págkakaessa.

1 Tesalonica 1:3

dipo kada magdasal kame tu Diyos a Ama tam ay maisip me u maganda moy a gimet a bunga nu pánnampalataya moy ni Jesu-Cristo. Sakay u pághirap moy dipo tu págmahal sakay tu págtággád moy dipo umasa kam a sumole u Panginoon tam a ti Jesu-Cristo.

1 Tesalonica 5:8

Pero hikitam a sakup dán nu demlag ay dapat kitamon a magisip ti maayus. U pannampalataya sakay pagmahal u kuman a pangsangga a Isulot tam. Sakay u pag-asa nu kaligtasan a gimitán nikitam nu Diyos u kuman a helmet a mang-ingat nikitam.

1 Timoteo 1:5

U layunin ni bilinan iye ay magkahod kitam ti págmahal a gábwat tu malinis a puso, malinis a isip, sakay ti matapat a pánnampalataya.

2 Timoteo 1:7

Dipo u Banal a Ispirito a inyatad nikitam nu Diyos ay bakán a ispirito nu ánteng nan Ispirito nu kapangyariyan, págmahal sakay págpugád ti sadile.

Hebreo 10:35

Kanya diyan kam mawanan ti pánnalig tu Diyos, dipo tehhod a dakál a piremyo a nakalaan para nikam.

Hebreo 10:39

Pero awan kitam kasale tu immadág hide sakay nepahamak, nan tu sumampalataya hide tu Diyos sakay tu nágkaligtas hide.

Hebreo 6:11

U gusto me ay magtulos-tulos kam a magsikap tu paggimet ti iye, hanggan a matanggap moy u áasaan moy.

Hebreo 6:19

Iye a pag-asa tam ay matibay sakay matatag a angkla nu biyag tam. Dipo umabut iye hanggan tu dilupot nu kortina nu templo ti langet, a kabanal-banalan.

1 Pedro 1:21

Dipo ni Cristo ay naniwala kamon tu Diyos a nangbiyag a huway nikuna, sakay nangatád nikuna ti kapangyariyan. Kanya u pánniwala moy sakay u pag-asa moy ay katoy tu Diyos.

1 Juan 2:10

U magmahal tu kapatkákka na ay katoy tu demlag kanya awan siya magin dahilan nu pagkasalaan nu agum.

1 Juan 2:14

Magsulaták nikam anak hide, dipo kilala moy u Ama. Magsulaták be nikam ama hide, dipo kilala moy siya a tu sapul ay átna dán. Magsulaták nikam áolito hide sakay mámmadiket hide dipo mágkatatag kam; pirme a katoy nikam u upos nu Diyos sakay natalo moy dán ti Satanas.

1 Juan 2:24

Pakaingatan moy tu puso moy u nasássaneg moy tu sapul nikuna summampalataya kam ni Jesus. Ni gimitán moy iye ay manatili kam a kaessa nu Anak sakay tu Ama.

1 Juan 3:3

Kanya ni ti deyaman u te konna he a pag-asa ay dapat a mabiyag a tehhod a kalinisan, konna ni Cristo.

1 Juan 3:9

U tatahoden a anak nu Diyos ay awan magtulos-tulos a maggimet ti kasalanan dipo katoy nikuna u biyag a gábwat tu Diyos. Sakay dipo u Diyos dán u ama na, awan dán siya maare a magtulos-tulos a maggimet ti kasalanan.