1 Corinto 12:10 - U Maganda A Baheta Ni Jesu-Cristo

¹⁰ Tehhod a pinagkaluuben ti kapangyariyan a makagimet ti makataka-taka a bagay; sakay u agum be ay pinagkaluuban ti kakayanan a magin prupeta. Tehhod be a pinagkaluuben ti kakayanan a makatukoy ni u kapangyariyan nu tolay ay gábwat tu Banal a Ispirito oni tu mágkadukás hide a ispirito. U agum be ay tehhod a kakayanan a makapagupos ti iba-iba a upos, sakay u agum ay u kakayanan a makapángpaliwanag ti upussan itod hide.

1 Corinto 12:10 ပူးပေါင်းရင်းမြစ်များ

Markos 16:17

U sumampalataya hide ay atádden ti kapangyariyan a maggimet ti makataka-taka a bagay: tu ngahan ko ay magpalayas hide ti mágkadukás a ispirito sakay makapagupos hide ti iba-iba a upos.

Markos 16:20

U disepulus na hide ay immangay ngani tu iba-iba a lugar sakay nagtoldu. Tinulungan hide nu Panginoon ti itod a gawain. Pinatunayan nu Panginoon tu tolay hide a tahod u impáppangaral de tu pamamag-itan nu pággimet ti makataka-taka a bagay a inpagkaluub na nide. [9 Ummangay u bábbey hide tu kán Pedro sakay tu kaguman na hide, sakay insaysay de u atanan a nakagi nide. 10 Káttapos ay inutusan ni Jesus u disepulus na hide a ipangaral tu atanan a suluk ni munduwáy u banal sakay a awan maglilipas a baheta nu kaligtasan a awan ti kahád.]

Lukas 24:49

Tandaan moy, paangayán kuhe u inpananto nu Ama ko, kaya dyan kam lumakad ti Jerusalem mentaras a awan kam pagkaluuben nu kapangyariyan a gábwat ti langet.”

Juan 14:12

Kagiyán ko nikam u tatahoden: U deyaman a maniwala nikán ay makagimet be tu gággimitán ko, sakay mas pa ti iye u magimet na dipo angayák dán tu Ama.

Juan 16:13

Pero káddemát nu Banal a Ispirito a tagapagtoldu tu tatahoden ay tulungan nakam para maintendiyan moy u atanan a tatahoden. U itoldu na ay bakán a gábwat nikuna, nan u nasaneg nala tu Diyos u kagiyán na. Sakay kagiyán na be nikam u tungkul tu bagay hide a dumemát.

Gimet 1:8

Pero ni kátna dán nikam u Banal a Ispirito ay magkahod kam ti kapangyariyan a mangpatunay tungkul nikán ti Jerusalem, tu buo a Judea, ti Samaria, sakay hanggan tu kasuluk-sulukan ni munduway.”

Gimet 11:27

Nadid ti panahunan itod ay te dimmemát a sangan a prupeta hide ti Antioquia a gábwat ti Jerusalem.

Gimet 11:28

Timmaknág u essa nide, u ngahan na ay ti Agabo. Tu pamamag-itan nu Banal a Ispirito ay nagpahayag siya a te dumemát a matindi a sák-aláp ti munduwáy. (Nangyare iye tu kapanahunan ni Emperador a Claudio.)

Gimet 19:6

Sakay ti Pablo ay intupo na u kamát na nide sakay simmidung nide u Banal a Ispirito. Nagupos hide ti iba-iba a upos sakay nagpahayag tu upos a gábwat tu Diyos.

Gimet 5:3

Kanya kinagi ni Pedro, “Ananias, bakin nagpadaig ka ni Satanas sakay nagbule-bule ka tu Banal a Ispirito? Bakin binawasan mo u naglakuwan mo tu luta?

Roma 12:6

Iba-iba u kakayanan a inyatád nikitam nu Diyos ayun tu habag na, kanya gamitán tam i kaluuban ina hide. Ni u kaluub nu essa a tolay ay págpahayag tu upos nu Diyos, kailangan ipahayag na iye ayun tu pánnampalataya na.

Roma 15:19

Sakay tu pamamag-itan nu makataka-taka hide a bagay tu kapangyariyan nu Banal a Ispirito. Kanya nebaheta ko u Maganda a Baheta tungkul ni Cristo sapul ti Jerusalem hanggan ti Ilirico.

1 Corinto 11:4

U lállake a magdasal oni magpahayag tu upos nu Diyos a tehhod a alibonbun ay awan ti galang ni Cristo a nakasakup nikuna.

1 Corinto 13:8

Mawan u kakayanan a magpahayag tu upos nu Diyos, mawan u kakayanan a magupos ti iba-iba a upos sakay mawan u karunungan, pero u págmahal ay awan ti kahád.

1 Corinto 14:13

Kaya ngane dapat a ipagdasal nu magupos ti iba-iba a upos a atádden be siya ti kaluub a makapángpaliwanag ti iye.

1 Corinto 14:39

Kaya kákkapatkákka ko hide, hangadán moy a makapagpahayag tu adal a gábwat tu Diyos, pero dyan moy ibawal u magupos ti iba-iba a upos.

Galacia 3:5

Bakin inyatád nikam nu Diyos u Ispirito na? Bakin maggimet siya ti makataka-taka? Dipu beman tu kássunud moy tu Kautusan? Awan! Nan dipo tu pánnampalataya moy tu nasaneg moy tungkul tu Maganda a Baheta.

1 Tesalonica 5:20

Dyan moy baliawanan u adal a gábwat tu Diyos.

Hebreo 2:4

Pinatunayan be iye nu Diyos tu pamamag-itan nu senyal hide sakay iba-iba a makataka-taka a bagay, sakay tu pamamag-itan nu kaluub nu Banal a Ispirito a inyatád na a ayun tu kaluuban na.

1 Juan 4:1

Mahal ko a kákkapatkákka, dyan moy paniwalaan u balang magkagi a katoy nide u Ispirito nu Diyos. Nan subukán moy pa hide ni talaga a gábwat tu Diyos u Ispirito a katoy nide. Dipo makpal dán a liwat a prupeta ti munduwáy.

Pahayag 2:2

Tukoy ko u gimet moy hide, u pagud sakay u tiyaga moy. Tukoy ko a awan moy kákkonsentiyán u mágkadukás a tolay. Pero pinurbaan moy u magware-ware hide a apostol, kaya napatunayan moy a mágkabule hide.