1 Corinto 11:34 - U Maganda A Baheta Ni Jesu-Cristo

³⁴ Ni tehhod nikam a magaláp, ay kuman pala tu bilay de tánni awan umabut ti hatul a kaparusaan u pamággipun-ipun moy. Tungkul be tu agum pa hide a bagay, ay saka ko dálla ayusán káddemát ko hina.

1 Corinto 11:34 ပူးပေါင်းရင်းမြစ်များ

1 Corinto 11:33

Kaya ngane, kákkapatkákka ko hide, kapag magipun-ipun kam a kuman ay mamágguhayan kam.

1 Corinto 16:1

Nadid ay tungkul be tu tulung a naipun moy para tu kákkapatkákka hide ti Judea, gimitán moy u konna tu kinagi ko tu mánnampalataya hide ti Galacia.

1 Corinto 16:2

Kada dipalongo a aldew nu sasimba ay mangsáddi dán u balang essa ayun tu kitaán na, sakay ipunán itod para awan dán kailangan a magaged ti tulung káddemát ko hina.

1 Corinto 16:5

Bumisitaák hina kággábwat ko ti Macedonia, dipo kailangan ko a humoyot hod.

1 Corinto 4:17

Dipo he, kaya ko a pinaangay hina ti Timoteo, u pinakamamahal ko sakay tapat a anak tu Panginoon. Siya u mángpaala-ala nikam tu tama a kákkabiyag a sássunudán ko nadid a nákpagkaessaák dán ni Cristo Jesus. Ina hide u itáttoldu ko tu bawat mánnampalataya tu atanan a lugar.

1 Corinto 4:19

Pero ni kaluuban nu Panginoon, ay angayák hina ti mas maaga, sakay ilingán ku pay ni ánya ipagmadakál diye, ni iye ay upos dila oni tatahoden a hod nide u kapangyariyan nu Diyos.

1 Corinto 7:17

Mabiyag u balang essa, ayun tu impagkaluub nikuna nu Panginoon, sakay magtulos-tulos tu date na a kalagayan ti biyag nikuna dulawán siya nu Diyos. Ina u itáttoldu ko tu atanan a mánnampalataya.

Tito 1:5

Kanya inwahak taka ti Creta ay para tapusan mo u gawain hide a awan palla natapos sakay para mangpili ka ti puno hide tu simbaan nu kada banuwan konna tu inyutus ko niko.