1 Corinto 11:25 - U Maganda A Baheta Ni Jesu-Cristo

²⁵ Konna labi hod, káttapos de a nangapon ay tinawiden na u baso sakay kinagi na, “Iye u baso nu bigu a kasunduwan a pinatunayan nu dige ko. Kada inumán moy iye, ay gimitán moy bilang pággala-ala moy nikán.”

1 Corinto 11:25 ပူးပေါင်းရင်းမြစ်များ

Lukas 22:20

Sakay konna bi hod u ginimet na tu tasa a te alak, sakay kinagi na, “I mainuman iye ay tanda nu bigu a kasunduwan nu Diyos a pinatibay nu dige ko a mebuhus dipo nikam.

1 Corinto 10:16

Awan beman u káinom tam tu baso a ipáppasalamat tam ay pákbahagi tam tu dige ni Cristo? U kákkan tam tu tinapay a tináppeng-táppeng tam ay pákbahagi be tu bággi na?

1 Corinto 11:24

Sakay káttapos na a nagpasalamat, ay hinate-hate na itod, sakay kinagi na, “Iye u bággi ko a mealay para nikam. Gimitán moy iye bilang pággala-ala moy nikán.”

2 Corinto 3:14

U tatahoden, awan naintendiyan nu Israelita hide u kahulugan ni iye tu itod dipo mágkaigát u ulu de a kumán a te tumáttakáp tu isip de. Sakay hanggan nadid ay awan di palla naintediyan iye kada basaán de u date a kasunduwan dipo te tumáttakáp palla tu isip de. Sakay mawan la i takáppan ina, ni nákpágkaessa u essa a tolay ni Cristo.

2 Corinto 3:6

Inatádden na kame ti kakayanan para ipangaral u tungkul tu bigu na a tipan. Sakay i ipáppangaral miyan iye ay awan neayun tu nakasulat tu Kautusan nan tu Ispirito. Dipo u iyatád nu nakasulat a Kautusan ay kamatayan, pero u Ispirito ay mangatád ti biyag.

Hebreo 13:20

U Diyos a ginábwatan nu kapayapaan, sakay nangbiyag a huway tu Panginoon Jesus, a nagin Dakila a Pastol nu tupa hide dipo tu dige na a nangpatibay tu awan ti kahád a kasunduwan,