1 Corinto 11:17 - U Maganda A Baheta Ni Jesu-Cristo

¹⁷ Pero ti sunud kuwáy a kagiyán, ay awan takam mepagmadakál: dipo u pamággipun-ipun moy ay awan ti neatád a maganda nan mas lalo pa a nedukás.

1 Corinto 11:17 ပူးပေါင်းရင်းမြစ်များ

Roma 13:3

U pinuno hide ay awan dapat a kantingan nu maggimet hide ti maganda. U dapat nide a manteng ay u maggimet hide ti madukás kanya ni gustu mo a awan ka ti kantingan tu namuno hide, gimitán mo u maganda sakay puriyán dika.

1 Corinto 11:2

Ipagmadakál takam, dipo pirmiyák moy a maala-ala tu atanan a bagay sakay sássunudán moy u intáttoldu ko nikam.

1 Corinto 11:20

Tu pamággipun-ipun moy, para tu Banal a Pangapon ay awan tama u gággimitán mo u kanán moy.

1 Corinto 11:22

Awan kam beman ti sadile a bilay tánni hod kam a kuman sakay uminom? Oni imemenos moy u mánnampalataya hide sakay pasanikiyán u mágkahirap hide a awan ti matawed a makan? Ánya nadid gimitán kuway? Ahakán takam? Awan! Awan takam maahak!

1 Corinto 11:34

Ni tehhod nikam a magaláp, ay kuman pala tu bilay de tánni awan umabut ti hatul a kaparusaan u pamággipun-ipun moy. Tungkul be tu agum pa hide a bagay, ay saka ko dálla ayusán káddemát ko hina.

1 Corinto 14:23

Ni tu pamággipun nu mánnampalataya hide ay magpagupos hide ti iba-iba a upos a atanan sakay tehhod a dummemát a tolay a awan ti konna hod a kaluub oni awan mánnampalataya, bakay akalaán de a nagaheng kamon.

1 Corinto 14:26

Ánya nadid u gusto ko a kagiyán ti iye hide a atanan, kákkapatkákka hide? Ni hikam ay mamággipun-ipun, ay dapat tehhod a mágkansiyon, tehhod a magtoldu, tehhod a magpahayag tu kaluuban nu Diyos, tehhod a magupos ti iba-iba a upos, sakay tehhod be a mángpaliwanag tu kákkagiyán na. Gimitán moy iye a atanan tánni lumagu u mánnampalataya hide.

Hebreo 10:25

Sakay diyan tam kalimunan u pákpagipun-ipun a konna tu agum a nakalimon dán. Nan pabegsákkán tam u isip nu balang essa, lalu dán nadid a ketan tamon a adene dán u káddemát nu Panginoon.

1 Pedro 2:14

Sunudán moy be u gubernador hide a pinaangay na tán magparusa tu makángimitán hide ti madukás sakay hide be u magparangal tu makán gimitán hide ti maganda.