1 Corinto 1:23 - U Maganda A Baheta Ni Jesu-Cristo

²³ Pero u ipáppangaral me ay ti Cristo a nepako tu kudus a essa a kesángdulan nu Judio hide, sakay para tu Hentil hide ay awan kan iye ti kabuluhan.

1 Corinto 1:23 ပူးပေါင်းရင်းမြစ်များ

Mateo 11:6

Sakay ikagi moy pa nikuna a ‘Pagpalaán nu Diyos u tolay a awan manghina u pánniwala de nikán.’”

Mateo 13:57

Inadiyan de ti Jesus, kanya kinagi ni Jesus “U essa a propeta ay igalang maski hádya pero awan siya igalang nu tolay hide tu sadili na a banuwan sakay tu sadili na a bilay.”

Lukas 2:34

Inaged ni Simeon a pagpalaán hide nu Diyos sakay kinagi na ni Maria, “Sanigán mo i kagiyán kuwáy, anakan iye ay pinile nu Diyos. Tu pamamag-itan na ay makpál u maligtas sakay makpal be u mahatulan tu lahe hide ni Israel. Siya u tanda a gábwat tu Diyos pero makpál be nikuna u mangkontara,

1 Corinto 1:18

U adal tungkul tu kákkatay ni Cristo tu kudus ay awan de atádden ti kabuluhan nu tolay hide a mepahamak, pero nikitam a naligtas dán ay iye u kapangyariyan nu Diyos.

1 Corinto 1:21

Sigun tu karunungan nu Diyos, ay awan na impahintulut a matukuyan siya nu tolay tu pamamag-itan nu karunungan ni munduwan iye. Nan, inligtas na u manalig hide nikuna tu pamamag-itan nu Maganda a Baheta a ipáppangaral me a tu pangileng nu agum ay awan ti kabuluhan.

1 Corinto 1:28

Pinile nu Diyos u neturing hide nu mundu a mababa a tolay, awan ti halaga, sakay awan ti kabuluhan ti munduwáy tánni ipeta nu Diyos a u inturing a mahalaga nu tolay he hide ti munduway ay inturing nu Diyos a awan ti seserbi.

1 Corinto 2:14

Dipo u tolay a awan u Ispirito nu Diyos nikuna ay umád a tumanggap tu kaluub hide a gábwat tu Ispirito nu Diyos. Para nide, awan iye ti kabuluhan sakay awan de maintendiyan, dipo awan nide u Ispirito nu Diyos a mangdemlag tu isip de.

1 Corinto 2:2

Pero nagdisisyonák a awanák ti ibaheta nikam maliban ni Jesu-Cristo sakay u kákkepako na tu kudus.

1 Corinto 4:10

Kagi nu tolay hide, Awan kame kan ti tukoy dipo u itáttoldu me ay tungkul ni Cristo; pero mágkarunung kam kan dipo ni Cristo! Mágkahina kame kan; pero mágkabegsák kam kan! Sássestiyán kame pero igággalang kam!

2 Corinto 4:5

Bakán a u sadile me u ipáppangaral me nan ti Cristo Jesus a Panginoon tam. Nagserbi kame nikam dipo tu págmahal me ni Cristo Jesus.

Galacia 3:1

Hikam a taga Galacia hide, awan kam ti tukoy! Deya i nakaalumayaay nikam? Malinaw a nepakapospos ko nikam ni kodya a natay ti Jesu-Cristo tu kudus!

Galacia 5:11

Kákkapatkákka ko hide, tehhod kan a magkagi a ipáppangaral ko kan hanggan nadid a kailangan pade a magpature. Ni tatahoden ina ay awan dán nakwa ti magpahirap nikán. U tatahoden ay páppahirapanák di la dipo ipáppangaral ko u tungkul tu kákkepako ni Cristo tu kudus.

Galacia 6:14

Nakwa awan iye mangyare nikán. U ipagmadakál kula ay u kákkatay nu Panginoon tam a ti Jesu-Cristo. Dipo tu kamatayan ni Cristo tu kudus ay awan dán ti halaga para nikán u bagay hide ti munduwáy, sakay hikán ay awan dámbe ti halaga para ti munduwáy.

Efeso 3:8

Hikán u pinakamababa tu pinile hide nu Diyos. Konna paman hod ay ginusto na padi a ipagkaluub nikán i tungkulin nan iye, a ipangaral tu Hentil hide u Maganda a Baheta tungkul tu awan masukat a págpapala a gábwat ni Cristo.

Hebreo 12:2

Ituun tam u pangileng tam ni Jesus a naggábwatan nu pánnampalataya tam sakay nangpatupad ti iye. Dipo tu kasayaan a magáohay nikuna ay awan na ingkasanike a matay tu kudus, sakay siya nadid ay mággetnod tu kawanan nu trono nu Diyos.

1 Pedro 2:8

Sakay nakasulat be a, “Itod labe a bito u kesángdulan sakay kehakpaan nu tolay hide.” Nesángdul hide dipo awan hide sumunud tu upos nu Diyos, sakay iye u inhanda nu Diyos para nide.