Matew 28:5 - Nadëb

⁵ Ti m' ããs ky hadoo ỹỹj sa hã: —Bë eỹỹm manäh! —näng mäh. —Ỹ hapäh, Jesus repëëm däk do paa bë esoos.

Matew 28:5 ပူးပေါင်းရင်းမြစ်များ

Eberew 1:14

Ããs kä, sahee hedoo doo, P'op Hagä Do mejũũ do moo bok do tii. P'op Hagä Do mejũũ ramasa hyb n'aa ta jawén ta wë hedëp doo.

Rukas 24:5

Tak'ëp mä ỹỹj rah'yyb e'ỹỹm bong. Ti hyb n'aa, tũũ rabehyy b'ëëh. Ti m' ããs raky hadoo sa hã: —Hëd n'aa hawät do bë esoos dejëp do mahang? —näk mäh.

Rukas 1:30

Ti m' ããs ky hadoo ta hã: —Eỹỹm manä Marija! —näng mäh. —A hã P'op Hagä Do h'yyb däng.

Maah-Ko 16:6

Ti m' taky hadoo sa hã: —Bë eỹỹm manäh! —näng mäh. —Bë esoos Jesus Nasaréh buuj, repëëm däk do paah. Dooh wäd bä. Ganä wät! B'ëëp, bë hegãã radasuun jëng do paa bä —näng mäh.

Matew 28:10

Ti m' Jesus ky hadoo sa hã: —Bë eỹỹm manäh. Bë ahõm, bë maher'ood hǟj haa sa hã Garirej hẽnh rabahõm hyb n'aa. Tii bä da ỹ rabahapäh —näng mä Jesus.

Matew 14:27

Ti m' nayyw hẽ m' Jesus ky hadoo sa hã: —Bë eỹỹm manäh! Ỹ ti hỹỹh —näng mäh.

Matew 28:4

Tak'ëp mä warahén, Jesus kamag hood hag'ããs do paah, rajeỹỹm bong mä ããs. Kajajãn b'ëëh mä ỹỹm haj'aa, dejëp do hedo padëëk mäh.

Atos 2:24

Tii da bë badoo né paawä, Jesus ganä wät dejëp do mahang P'op Hagä Do an'oo bä. Tadajëp jawén paa bä, edëb wät P'op Hagä Do an'oo bä. Tii d' tawén d'oo, dooh dajëb haja bä taj'aa ketsëë bä Jesus hã.