Eberew 5:11 - Nadëb

¹¹ Hajõng ti anyy däk paawä ta ti ky n'aa bë ỹ maher'oot hyb n'aa. Ti hadoo né hẽ, hejoonh ji maher'ood bä ta ky n'aa, nayyw hẽ bë h'yy ganahoot do hyb n'aa ta hã.

Eberew 5:11 ပူးပေါင်းရင်းမြစ်များ

Matew 13:15

“Ta ti ỹ wén her'oot Judah buuj sa ky n'aa hã”, näng mä P'op Hagä Do Isajas hã, “Dooh rah'yy kadawuung wäd bä baad hadoo do hã, hajõõ nuu me raky nadaheeh do hyb n'aa. Sa nabuuj ragetsëë hõm do hadoo. Raty gatsëë däk sa matym ranahapäh hyb n'aa. Tii d' tanado bä paawä rahapäh né paawä, ramaa napäh né paawä, h'yy kadewuung né paawä, wë ỹ rah'yy kawereem né paawä hã ỹ rah'yy ka'eeh hyb n'aa. Tii d' radoo bä paawä ỹ h'yyb wareem paawä baad rababok hyb n'aa kä.”

2 Peed 3:16

Ti ky n'aa né hẽ tama erii wät sahõnh hẽ tama erih do hã. Tama erih do mahang ti anäng hãd hejoonh doo, tak'ëp ji hyb n'aa manatakä bä, dooh ji maa napëë bä tahanäng péh. H'yy gatemah doo, h'yy keh'ỹỹt doo, rawareem Paw-Ro erii wät doo. Ta see hadoo ta ky n'aa ran'oo bä. Tii da na-ããj hẽ rawareem P'op Hagä Do kyy kerih do wób. Sa daaj hẽ sa ky n'aa katakyyk baad nadoo do hã.

Atos 28:27

Sa h'yyb tym gó abaa padëëk do hado däk. Dooh d' rah'yy kadawuung wäd bä. Sa nabuuj ragetsëë hõm. Sa matym ty kajaä̃ hõm. Tii da tanado bä paawä, rabahapäh né paawä, ramaa napëë né paawä, h'yy kadewuung né paawä, wë ỹỹ rah'yy kawereem né paawä hã ỹ rah'yy ka'eeh hyb n'aa. Hã ỹỹ rah'yy kasadëë bä paawä ỹ t'yyd mehĩĩn sa hã.”

Jowãw 16:12

Ti m' taky hadoo ẽnh: —Hajõng nä paawä ỹ her'oot bë hã, dooh bë haja nä bä bë gado bä.

Jowãw 6:6

—näng mä Jesus, Pirip tametyy hyb n'aa. Jesus hapäh ta h'yyb gó nyy d' tabad'oo.

Rukas 24:25

Ti m' Jesus ky hadoo sa hã: —H'yy gatemah bëëh! —näng mäh. —Nayyw hẽ nado bë ky daheeh sahõnh hẽ P'op Hagä Do ky n'aa rod raher'oot do paah —näng mäh.

Maah-Ko 8:21

Ti m' Jesus bedoo sa hã: —Dooh bë h'yy genä nä bä? —näng mä ta kyyh ta ma matëg sa hã.

Eberew 5:10

Sa ky n'aa rod wahë n'aa heh'äät P'op Hagä Do wë, Merekisedek hadoo do Jesus bahado däk P'op Hagä Do an'oo bä.

Eberew 5:12

Bäp peej däg bë h'yy kae däk do hyb n'aa Jesus hã, ta wób paawä bë ma metëëk da hẽ ta ky n'aa. Ti hadoo né hẽ, dooh tagah'ood nä bä bë hã. Bë karẽn p'aa hẽnh ji ma metëëk bë hã. Jããm hẽ pooj jé P'op Hagä Do ky n'aa bë rama metëëk do paa ji ab'aanh bë karẽn. Karapee t'aah ta ỹỹn bii gamyyj karẽn doo, ta tä nawëh nä do hadoo bëëh.