Atos 8:31 - Nadëb

³¹ Ti m' aj'yy hadoo do ky hadoo Pirip hã: —Nyy da ti ỹ maa napäh? Dooh metëëk pé hã ỹ ta ky n'aa —näng mäh. Ti m' tabatsyyd kän Pirip gatsëg sooh hyb n'aa ta pa.

Atos 8:31 ပူးပေါင်းရင်းမြစ်များ

Roma 10:14

Ti hado né paawä, nyy d' raky n'aa etsẽẽ g'eeh, dooh ta hã rah'yy kae bä? Nyy da Jesus Kristo hã rah'yy ka'eeh da g'eeh, dooh raky n'aa napëë bä ta ky n'aa? Nyy da raky n'aa napäh da, tananyy bä ta ky n'aa sa hã maher'oot doo?

1 Korĩn 8:2

H'yy ganäng ted'oo doo, dooh tah'yy ganyy nä bä heh'äät ub.

Tsijaag 1:21

Ti hyb n'aa taw'ããts hẽ bë eréd hõm hesus hadoo do bë h'yyb tym gó hanäng doo. Bë eréd hõm na-ããj hẽ nesaa do hedoo do jé pad'yyt hẽ hanäng doo. H'yy kadaduu doo me bë gado P'op Hagä Do kyyh bë h'yyb gó kan'oo däk doo. Ta ti né hẽ hajaa bë h'yyb tym tabed'ëëp, P'op Hagä Do wë bë nu kajäk hyb n'aa.

Tsijaag 1:10

Taw'ããts hẽ tak'ëp ma enäh do rah'yy kasab'ee rakadad'uu P'op Hagä Do an'oo wät do hyb n'aa sa hã. Jawii ts'ooh ahëëj jëng do hadoo da.

1 Korĩn 3:18

Bë kawad'ii manäh! Badäk hahỹỹ hã habong do P'op Hagä Do hã h'yy kana'eeh do sa matym gó tak'ëp hajaa ted'oo doo, taw'ããts hẽ teréd hõm ta tii da tahyb n'aa newëë doo. Taw'ããts hẽ paawä h'yy gatamah do hadoo tabahadoo P'op Hagä Do nahapäh do sa matym gó, P'op Hagä Do matym gó kä h'yy ganäng do tabahadoo hyb n'aa kä.

Maah-Ko 10:15

Ti m' taky hadoo ẽnh: —Karapee t'aah ky daheeh do hadoo ky nadaheeh péh, dooh P'op Hagä Do bag'ããs do karapee tado bä da. Né hup ỹ né hẽ ta ti ỹ her'oot doo —näng mä Jesus.

Atos 8:30

Ti m' takata däk bä ta hã, tamaa napäh taner'oot do Isajas erih do paah. Ti m' tabeaanh ta hã: —Äkä, mamaa napäh ti maner'oot doo? —näng mäh.

Atos 8:32

Hahỹỹ d' ti aj'yy ner'oot doo: “B'éé radaj'ëëp do hadoo ta tii. B'éé t'aah hadoo, dooh ta kyy pé ta wii ragekãã bä. Ti hadoo tii. Dooh ter'ood bä.