Apokarip 18:11 - Nadëb

¹¹ Ajyy hes'ëëm do a'oot da, rah'yy ketón da panang hyb n'aa, dooh hets'ẽẽ wät pé do hyb n'aa sa wak'ããb marakate yb gó ramenaa doo.

Apokarip 18:11 ပူးပေါင်းရင်းမြစ်များ

Apokarip 18:3

Babirõn wén gawatsig hõm, ỹỹnh hajõk do sii heỹỹh do hadoo, naëng oow mahỹỹnh do sahõnh hẽ badäk hahỹỹ hã habong do sa hã tan'oo däk do hyb n'aa, tak'ëp baad nadoo do ramoo bok hyb n'aa ta sii, tak'ëp sa wë P'op Hagä Do kawajããn hanoo doo. Sahõnh hẽ häj n'aa sa wahë n'aa rabahe'ỹỹh hadoo ta ti ỹỹnh hadoo do sii. Tak'ëp rama enä däk ajyy hes'ëëm doo, sahõnh hẽ sa h'yyb karẽn do panang buuj rabetsẽẽ do hyb n'aa sa hã”, näng.

Apokarip 18:23

Hỹ jawén dooh ragataas pé ta bag hahỹ panang bä. Hỹ jawén dooh ji maa napëë wäd bä aj'yy katëë do pan'aa, ỹỹnh katëë do pan'aa sa kyyh a mahang. Tii d' tawén hadoo, ky n'aa ets'ëëh do hyb n'aa paah, hyb n'aa jewyk do hyb n'aa paa badäk hahỹỹ bä a panang bä hes'ëëm do paah. Ramehëm doo me a babuuj rawedii, ta s'ee hẽnh rah'yyb mahũũm do hyb n'aa sahõnh hẽ badäk hahỹ hëëj babuuj.

Apokarip 18:20

Taw'ããts hẽ bëë kä, hỹ pong jé habong do bë h'yy gadejah. Bëëh, tsyt hẽ P'op Hagä Do wë kasëëw bong doo, 12 hedoo do Jesus mejũũ doo, Jesus ky n'aa rod hedoo do na-ããj hẽ, taw'ããts hẽ bë h'yy gadejah, nesaa do hã P'op Hagä Do ky n'aa ety däk do hyb n'aa panang buuj, nesaa do bë hã ramoo bok do paa hyb n'aa.

Apokarip 18:15

Ajyy wekãp do ta ti hedoo do panang babuuj hã hes'ëëm do paah, tak'ëp ma enä padëëk doo, dawë hã rababë hõm da, panang buuj rahoop do tak'ëp rajeỹỹm do hyb n'aa rahob bä. A'oot da, h'yy ket'oon da.

Apokarip 18:9

Badäk hahỹỹ bä häj n'aa sa wahë n'aa ta sii rabahe'ỹỹh do hadoo do paah, ta sii hajõng dajẽẽr rah'yy karẽn do jawén rah'ëënh do paa a'oot da panang haooj jëng do tsyg rabahapäh bä. A'oot da, rah'yy ketón da ta hyb n'aa.

2 Peed 2:3

Tak'ëp ta säm hã rah'yy kajäk do hyb n'aa, sa panyyg sa daaj hẽ rahyb n'aa newëë doo me ma matëg oow bë da rawedii, bë wë hanäng do bë anoo hyb n'aa sa hã. P'ooj däg P'op Hagä Do h'yyb dëë däk nesaa do hã taky n'aa etyy ta tii. P'op Hagä Do rejãã né da tii. Dooh da rakedëëb bä.

Matew 22:5

—Tii bä, rapanäg né paawä, dooh rah'yy kap'eed bä. Kats'yyt do paa ah'ũũm ta s'ee hẽnh. Ta joom banäng hẽnh ta see bahõm, tamoo wät doo hẽnh ta see bahõm.

Jowãw 2:16

Ti m' taky hadoo gurii-i hes'ëëm do hã: —Bë manä ti j'eep! —näng mäh. —Ji es'ëëm do tób n'aa bë adoo manä Ee tób! —näng mä Jesus kyyh sa hã.