1 Korĩn 13:9 - Nadëb

⁹ Da hẽ ji hapäh doo, P'op Hagä Do ky n'aa ji hajaa ji her'oot do na-ããj hẽ, ta uuh ub tii.

1 Korĩn 13:9 ပူးပေါင်းရင်းမြစ်များ

1 Korĩn 13:12

Da hẽ, dooh baad ër hapëë nä bä P'op Hagä Doo, japow gó ji heg'ããs do hadoo. Ta jawén da ër bahapäh baad ub kä, heh'äät kä. Da hẽ, jããm hẽ ta uuh ỹ bahapäh. Ta jawén da, sahõnh hẽ ỹ bahapäh ta hã, ỹ P'op Hagä Do hapäh doo da né hẽ.

1 Korĩn 8:2

H'yy ganäng ted'oo doo, dooh tah'yy ganyy nä bä heh'äät ub.

1 Korĩn 2:9

Hahỹỹ da P'op Hagä Do kyy kerih do her'oot: “Dooh noo gó rahapäh doo, dooh noo gó ramaa newëë doo, dooh noo gó rahyb n'aa newëë doo, ti né hẽ ti P'op Hagä Do enäm do ta hã kamahä̃n do sa hã”, näng kerih doo.

Matew 11:27

Ti m' taky hadoo: —Sahõnh hẽ Ee banoo ta hejój hã ỹỹ. Dooh baad hapäh pé ỹỹh, P'op Hagä Do T'aah. Jããm né Ee hapäh ỹỹh. Dooh Ee, P'op Hagä Doo, baad hapäh péh. Jããm né ỹỹh, ta T'aah hapäh. Jããm né hẽ sa hã ỹ metëëh do hapäh Ee —näng mäh.

1 Jowãw 3:2

P'op Hagä Do taah né hẽ ër da hẽ, najis haa. Dooh né paawä ër P'op Hagä Do metä nä bä nyy d' tabad'oo da ër hã, ër hapäh Jesus Kristo hado däk da ëër, tamatëëh bä, baad ub tii kä Jesus ër bahapäh do hyb n'aa ti noo gó.

Epeso 3:8

Sahõnh hẽ P'op Hagä Do karapee sa yd jé had'os do né paawä ỹỹh, P'op Hagä Do anoo hã ỹỹ, Judah buuj nadoo do sa hã ỹ maher'oot hyb n'aa Kristo tak'ëp ky enyym doo, tak'ëp kabaj'aa do ky n'aa. Dooh ji haja bä baad ji h'yy kadawuung bä Kristo wë hanäng do hã. Jããm hẽ ta uuh hã ji h'yy kadaw'uuh, tak'ëp ta bahä̃nh baad tabahadoo do hyb n'aa.

Roma 11:34

“Dooh hapäh pé Tak'ëp Hyb N'aa Jawyk Do h'yyb. Dooh maher'oot pé ta hã nyy da tabad'oo.”

1 Korĩn 13:10

Baad had'op do heh'äät do kaja bä kä, tii bä kä, dooh hyb n'aa ji karẽn wät pé ta uuh hadoo doo.