Tito 3:1 - Ke meupiya ne tudtul mekeatag ki Hisu Kristu

¹ Igkahi nu, Tito, rut te menge mibperetiyaya keniyan te med-adat dan dut te menge mepurù te inged dan wey ke menge ruma ne ruen ketengdanan din. Medtuman dan dut te menge suhuan kandan, ne layun dan mebpenehana te ulaula ne meupiya.

Tito 3:1 ပူးပေါင်းရင်းမြစ်များ

Mateo 22:21

“Paras wey ngaran dut te ratù tew kayi te inged ne Ruma,” ke sikandan. “Embiya iring ketà,” ke si Hisus, “ne ivehey niyu diyà te datù ayan se buwis kandin, ne ivehey niyu riyà te Eleteala ke endei rema ke kandin.”

1 Kurintu 15:58

Engketà be arà menge suled ne rekelà te hinawa ku, ne itindehi niyu te mevaher ke kebperetiyaya niyu dut te Kerenan tew ne si Hisu Kristu ne kenà niyu perina ke itungan niyu misan duen penggeram ne ebpekeuma kayi te keniyu. Ne pegelepi niyu te edtuman ke kiyug din su netuenan tew te ruen keupiya rin ke langun ne ed-ul-ulaan tew diyà te kandin.

Ipisu 2:10

Su ke Eleteala rà se mibehu te umur tew ketà te mibpekidseveka ki en ki Hisu Kristu su apey iyan tew egkerumaan ke meupiya ne netahù te itungan din dengan ne ed-ul-ulaan tew.

Pilipus 1:11

Su ketà ne langun te ed-ul-ulaan niyu ne metidtu sabap dut te kedtavang ni Hisu Kristu keniyu, su sikandin dà se ebpekegaga te ked-ulaula niyu ketà. Ed-ul-ulaan din ini su apey egkereyù ke Eleteala wey egkeedatan sikandin.

Kulasi 1:10

Ini se ibpengeningeni rey su apey kew ebpeketuman rut te kiyug te Eleteala wey langun ne ed-ul-ulaan niyu ne ebpekesuhat te hinawa rin. Ketà ne ini se meupiya ne ed-ul-ulaan niyu ne ed-iseg wey ke nesebutan niyu mekeatag te Eleteala ne egkeumanan.

1 Timoteo 2:2

Ibpengeningeni tew te Eleteala ke menge mepurù ne ebayàbayà kenitew wey langun ne menge ruma ran ne ruen gaga ran te ed-ewit kenitew. Ibpengeningeni tew te Eleteala sikandan apey meupiya se ked-ewit dan keytew su apey ebmelinandang se ketemanan tew wey apey ruen kesig tew te eduma te Eleteala wey ed-ulaula te metidtu.

1 Timoteo 4:6

Embiya ibpenurù nu ini se migkahi ku kayi, Timoteo, diyà te menge mibperetiyaya keniyan te keniyu, ne tuus arà te egkeserihan ka ne suhù ni Hisu Kristu ne ebpesabut te lalag din. Ne tuus dema te mid-iseg ke sarig nu su intahù nu te hinawa ke tidtu ne penduan wey midumaan nu te arà arè en.

1 Timoteo 5:10

Iyan dà egkepakey ne valu ne ke ed-edatan su meupiya ke helevek din iring be te kinepeneheewit din te meupiya te menge anak din, kinetirapan din te ebpekaan dut te menge etew ne sumeseharey, kinetavang din te menge etew ne mibperetiyaya te Eleteala, labi en ke menge etew ne ebpekeanuyanuy te kerehenan wey misan engkey en ne ketulengeran din ne impekita rin diyà te menge ruma rin.

2 Timoteo 1:6

Tembù be egkehiyen ku keykew te pegelepi nu te egamit arà se ketau te ebpeneheewit te menge mibperetiyaya ne imbehey te Eleteala kenikew ketà te kinerampen ku keykew.

2 Timoteo 2:14

Na ipetahù nu te itungan dut te menge etew ini se penurù ku, ne tegtehami nu sikandan te ebaag te id-etuvang te Eleteala te med-engked dan se ebpelewlewaney te lalag ne warà tapek din. Su ayan imbe ne warà en iya keupianan din, nasì pà te ebpekereraat dut te peretiyaya te etew ne ebpemekerineg.

2 Timoteo 2:21

Sikitew ne menge mibperetiyaya ne iring imbe ketà te menge pekeediran. Embiya egkiyug kiyu ne eberepantag te Eleteala ke edtehikemuney keytew, ne ed-elihuwan tew en ke meraat ne mid-ulaula tew pehaney su apey kiyu ebpekeiring te belielehà ne pekeediran ne igkenuhuni te kemuney. Su embiya arà se ed-ul-ulaan ta ne warè en idtila keytew diyà te etuvangan te Eleteala, ne duen atag tew te Eleteala su andam kiyu en misan ebmemenuwen kiyu nikandin.

Tito 1:16

Menge etew ne iring ketà ne engkungkun ne eduma te Eleteala, ugaid ne ke ulaula ran ne kenà ebpekedruyud dut te lalag ne egemew kayi te bèbà dan. Liyuliyu se kerupangan dan, ne kenà dan eduma dut te idsuhù kandan, ne ketà ne warà en iya meupiya ne egked-ulaula ran.

Tito 2:14

Ne imbeliwas din ke lawa rin ketà te kinepatey rin su apey mekeliyu kiyu te kinekeuripen te salà tew wey apey ebmetilak ke hinawa tew. Ne insivey ki nikandin ne kandin ne sakup ne mibehayan ki nikandin te kiyug te ed-ulaula te meupiya.

Tito 3:14

Ne penurua nu ke menge suled tew keniyan te meguru ran te ebpegelep te ulaula ne meupiya su apey ran ebpeketavang te menge etew ne egkepesangan su apey ke keupiya te peretiyaya ran ne egkekita.

Tito 3:8

Ini ve iya, Tito, se langun ne menge lalag ku ne benar. Kiyug ku ne idtahamtaham nu ini ibpenurù su apey ke menge etew ne mibperetiyaya te Eleteala ne egkeinesa ne ebpegelep te ulaula ne meupiya, su keupianan ini wey berepantag dema te langun dan.

2 Pedro 1:12

Tembù be ebpetentenuran ku ini keniyu misan nerineg niyu en ini se meilut se kebperetiyayaa niyu rut te benar ne tuluuwen ne impenurù ku keniyu.

Hudas 1:5

Na ruen ebpetenuran ku keniyu ne netuenan niyu en atag dut te mid-ula-ula te Eleteala rengan. Su midtevangan din ke langun ne inenakan te Israyil te ebpeliyu rut te kinepengunguripen kandan te inged ne Ihiptu. Ugaid ne netaman ne langun dut te kenà ebperetiyaya ne neherà.