Tito 2:3 - Ke meupiya ne tudtul mekeatag ki Hisu Kristu

³ Engketà ded maa ke kebpenurù nu rut te lukes ne memeritan te iyan dan ul-ulaa ne ebpekesuhat te hinawa te Eleteala. Kenà dan medseserupet, kenà dan med-inum te ebpeketevereg. Iyan pà mulà se mebpenurù dan te meupiya ne ulaula

Tito 2:3 ပူးပေါင်းရင်းမြစ်များ

Ruma 1:29

Ne ke itungan dan ne nepenù dut te langun ne meraat, ne lelegawen dan, ne meraat se ulaula ran dut te menge ruma ran. Imaan dan, ne terevunù dan, ne ebpekid-ehet dan, ne tenlimbungen dan, ne iyan dan pegitungan mekeatag te ruma ne etew ne meraat, ne edserupet dan te menge ruma ran,

Ruma 16:2

Embiya ebpekeuma sikandin ne gelhelaa niyu su ruma tew sikandin te ebperetiyaya ki Hisu Kristu ke Kerenan tew, su ini ke edait ne ulaula tew te menge etew ne mibperetiyaya en. Ne tevangi niyu sikandin embiya ruen kurang din su merakel dema ini se netevangan din abpeg kediey.

Ipisu 5:3

Sikiyu ini se sakup en te Eleteala ne kenà kew iya ebpengingniyug, kenà kew ed-ulaula te temperasà, ne kenà kew egkeeram-am, su langun kayi ne kenà dait ne ulaula te etew ne mibperetiyaya en ki Hisus. Kenà egkepakey ne ruen iring kayi ne egkekahi mekeatag te sikiyu.

1 Timoteo 3:11

Engketà ded ke menge esawa ran, iyan din kemeyidan ne ed-ulaula ran te meupiya su apey ran egkeedati, ne kenà dan serupeten. Ne kenà dema mekalas se kebpenunuen din te keuyahan. Ne ebpengeserihan te piya engkey en ne ed-ul-ulaan dan.

1 Timoteo 3:8

Iring ded be kayi rema ke menge etew ne edsukendul dut te menge unuten, iyan din kemeyidan ne ebpengeedatan rema ini ne menge etew wey ebpengeserihan se lalag dan. Kenà dan metehel ne ed-inum te ebpeketevereg, ne kenà dan lelegawen te kearen.

1 Timoteo 5:23

Su ruen menge etew ne ed-ulaula te meraat ne egkepayahan en, tembù be egketuenan nu ke betasan dan te warà nu pà mekita sikandan. Ne ruen duma ne ed-ulaula te meraat ne kenà egkepayahan taman te meuhet. Iring ded dema te menge etew ne meupiya se ulaula rin ne melemu ne egkepayahan. Ugaid ne misan kenà egkepayahan ke meupiya ne ulaula rin, ne egketuenan ded te meuhet ne hewii. Na ruma pà, Timoteo ne kenà iyan nu rà inuma se wayig su inum ke red te reisek ne binu su ibawì te mesakit ne getek nu wey ke ruma pà ne sakit nu ne layun nu egkeheram.

Tito 1:7

Su ke etew ne egketendù ne ebpeneheewit dut te menge mibperetiyaya ne iyan din egeweran ne helevek te Eleteala, tembù be warà med-ulaula sikandin te meraat ne igkeisuhat kandin. Kenà kandin dà se ebpengetketengen din, ne kenà sikandin melemu ne egkelengetan, kenà sikandin metehel ne ed-inum te ebpeketevereg, ne kenà sikandin edretem te meraat, ne kenà lelegawen te pirak ini se etew ne egketendù ne ebpeneheewit.

Tito 2:4

su apey imbe ini se egehuruwan dut te menge menguwed pà ne memeritan te kedlimù te esawa ran wey menge anak dan.

Hibruhanen 5:12

Iyan perem dait ne sikiyu se ebpemandù dut te menge ruma niyu su neuhet kew en ne mibpemandù, ugaid ne warà kepekayan din. Inemulà se iyan din pà dait ne edseupan kew pà maa te ebpenurù su misan ke neuna ne penurù mekeatag te Eleteala ne kenà niyu pà egkesebutan. Iring kew te menge vatà ne kemulu pà ne edsusu su kenà pà egkepakey ne egkaan te mekehal.

Imperayag 2:20

Ugaid ne ruen en ed-ul-ulaan niyu ne idsawey ku keniyu su ke meritan ne si Isibil ne engkungkun ne ebpelambas te Lalag te Eleteala ne edtuhutan niyu ne ebpenurù keniyu. Ne kayi te penurù din ne midlimbungan din ke menge sakup ku su mibpeneheewit din sikandan te egkepakey ne ebpengingniyug dan wey egkaan te egkeenen ne inrenà ne siparat diyà te ledawan dà ne kenà tidtu ne Eleteala.