Santiago 5:5 - Ke meupiya ne tudtul mekeatag ki Hisu Kristu

⁵ Sikiyu ne menge kewasa, ne warà kurang niyu su ebpekegaga kew te piya engkey ne kiyug niyu wey ke ked-ubpà niyu kayi te ampew te dunya ne meupiya nevenar. Ugaid ne iring kew te binatang ne impelambù su edsumbelien su kunaan niyu ne ke kedusa te Eleteala ne kenà ebpekeuma riyà te keniyu.

Santiago 5:5 ပူးပေါင်းရင်းမြစ်များ

Lucas 16:19

Ne migkahi pà maa si Hisus te, “Duen senge etew ne kewasa nevenar ne mibevelegkas te mepurù nevenar se elehà din, ne ini se ked-ubpàubpà din ne warà egkepemengà din.

Lucas 16:25

“Ugaid ne migkahi si Abraham te, ‘Menge anak, tentenuri nu te nekuwa nu en ke langun ne keupiyanan nu te gewii rut te biviyag ke pà, ugaid ne si Lazaro mulà ne neamin-amin din se keresayan. Ugaid ne guntaani ne si Lazaro ne meupiya en se egketemanan din kayi, ne sikuna en se egkerasay.

Ruma 13:13

Uya, ed-upianan ke menge ulaula tew su ini ke dait ne ed-ul-ulaan dut te menge etew ne ed-ubpà te kerayahan. Ne kenà ki en ebpemekiduma dut te kevurunan te menge etew ne ebpengasak te temperasà wey ebpenginum te ebpeketevereg, ne kenà ki ebpengingniyug etawa ed-ulaula te misan engkey en ne mekeyeyà ne kenà ki ebaal te kewahaan etawa egkeima.

1 Timoteo 5:6

Ugaid ne ke balu ne iyan din dà igkesuat ne ke kiyug te kememenusiyai, ne misan biviyag pà sikandin ne iring te minatey en su warà kayi te kandin ke umur ne ibehey te Eleteala ne warà edtemanan din.

2 Timoteo 3:4

Kenà dan egkeserihan, ne warà metapid ne ed-ul-ulaan dan, ne sahad se kepereyù dan, ne iyan dan edtumuen se kebpatà dan te nanam ne ke Eleteala ne keluran en iya te itungan dan.

2 Pedro 2:13

Ne edresayen dan dema su atag te daan ne kedrasey ran dut te menge ruma ran. Su sikandan ne misan meandew ne kenà dan egkeyeyaan te ed-ulaula te kiyug dan ne meraat ne ibpatà te nanam dan. Kenà edait ne ebpekidtuhen dan diyà te kevurunan niyu su mekeyayà se ulaula ran, su iyan dan kiyug ne ed-ekalan kew ran mekeatag te meredsik ne ed-ul-ulaan dan.

Hudas 1:12

Su egenat dut te meraat ne ulaula ran ne ebpekekaid dut te kevurunan niyu te edtenuran niyu ke kinepatey wey kinekevanew ni Hisus. Warà angkà te kegkaan wey ked-inum dan su iyan den dà ed-epasen ke kegkaan dan. Ne iring dan dema te dadtem ne kivel ne kunaan ke ebpekeuran, ugaid ne inlayap te keramag. Ne iring dan ded dema te kayu ne nevuwar en su misan timpu te kebpemehas ne warà bahas din su nehangu en.

Imperayag 18:7

Su mibpereyùdeyù sikandin ne midtuman dut te meraat ne kiyug din, ne arà rema se kevehat dut te keresayan wey kemutuwan ne ebpekeuma kandin. Su migkahi arà se meraat ne meritan ne in-upama te arà ne inged, ke sikandin te, ‘Iring a te bai su warè en egkepemengà ku. Kenà a balu, tembù be warè en keresayan ne ebpekeuma kayi te kedì!’