Santiago 5:4 - Ke meupiya ne tudtul mekeatag ki Hisu Kristu

⁴ Midlimbungan niyu ke menge etew ne egelevek diyà te pengengewiran niyu su warà niyu mesukayi sikandan. Menu, nerineg niyu ke pemivihan dan? Ne ini se ebpengehani keniyu, ne ke Kerenan ne Eleteala ne mekegehem se nekerineg te id-isuhat dan keniyu.

Santiago 5:4 ပူးပေါင်းရင်းမြစ်များ

Mateo 9:37

Ne migkahi si Hisus diyà te menge edumdumaan din te, “Medmerakel se menge etew ne warà pà meketelimà dut te Meupiya ne Tudtul mekeatag te Eleteala. Iring dan te nelutuan ne parey. Meluag nevenar ini se pareyanan, ugaid ne warà utew ruma ne ebpengehani.

Lucas 18:7

Ne menu kenà be edtindeg ke Eleteala dut te kandin ne menge etew embiya ebpengeningeni ran diyà te kandin te merukilem meandew? Maa edlanganlangan pè bè sikandin se edtavang kandan?

Ruma 9:29

Su iring ini rut te neuna ne nekahi ni Isayas te, “Embiya warà ki meyruwi te Eleteala ne warà repeng te gehem din, ne warà nesamà dut te sikitew ne Hudiyanen su ebpekeiring ki rut te menge etew te inged ne Suduma ne neherà, uya, ebpekeiring ki rut te menge etew te inged ne Gumura ne nevinasa.”

Kulasi 4:1

Na sikiyu ne menge etew ne ruen sugsuhuen, ne up-upiani niyu wey peketidtu kew te kebpeneheewit niyu kandan. Su tentenuri niyu te ruen ded dema mepurù niyu riyà te langit.