Santiago 4:16 - Ke meupiya ne tudtul mekeatag ki Hisu Kristu

¹⁶ Ugaid ne sikiyu mulà ne menge mepereyù su idantal niyu ke ed-ul-ulaan niyu. Ne meraat arà se idantal niyu diyà te etuvangan te Eleteala.

Santiago 4:16 ပူးပေါင်းရင်းမြစ်များ

1 Kurintu 5:6

Warà iya kewagib niyu te ebpendekarak! Iyan meupiya ne id-awà niyu arà se meraat su apey kenà ebpekeeneb dut te langun niyu iring dut te beseanan ne egkahi te, “Misan ibukbuk niyu ke reisek ne pelevag dut te tapung ne ebeelan ne pan ne langun ketà ne edlevag.”

Santiago 3:14

Ugaid ne embiya egkesihi ke etew wey mepereyù, ne kenà meupiya ne ibpendantal din mekeatag dut te meupiya ne ulaula rin wey ke dekelà ne nesebutan din su teruen sikandin wey nekerimpas sikandin dut te tidtu ne penurù.

1 Juan 2:16

Su langun ne igkenuhuni rut te menge etew kayi te ampew te dunya iring te ini se egkiyuhan dut te lawa ran, ke ebpatà te nanam dan wey kebpereyùdeyù dan mekeatag te kearen dan, ne langun kayi ne kenà riyà ebpuun te Amey tew ne Eleteala su kayi rà ebpuun dut te menge etew te ampew te dunya.

Imperayag 18:7

Su mibpereyùdeyù sikandin ne midtuman dut te meraat ne kiyug din, ne arà rema se kevehat dut te keresayan wey kemutuwan ne ebpekeuma kandin. Su migkahi arà se meraat ne meritan ne in-upama te arà ne inged, ke sikandin te, ‘Iring a te bai su warè en egkepemengà ku. Kenà a balu, tembù be warè en keresayan ne ebpekeuma kayi te kedì!’