Santiago 4:15 - Ke meupiya ne tudtul mekeatag ki Hisu Kristu

¹⁵ Iyan pà meupiya ne egkehiyen niyu arà se, “Embiya edluhut ke Eleteala ne biviyag ki pà ne egketuman ini se ed-ul-ulaan dey.”

Santiago 4:15 ပူးပေါင်းရင်းမြစ်များ

Nenged-ulaula 18:21

Ne dutun te kegenat din ne migkahi rin te, “Embiya idtuhut te Eleteala ne edlived a kayi te keniyu.” Ne ketà ne mid-untud en te kapal ne mid-awà kayi te inged ne Ipisu.

Ruma 1:10

Layun ku rà ibpengeningei te Eleteala te embiya idtuhut din ne menu ke mekepenumbaley a riyà te keniyu.

Ruma 15:32

Su embiya egkeipus ku en ini ne embiya idluhut te Eleteala, ne ebpekepengkeniyan ad te keniyu. Ne egkehalew a ketà te kebpekeuma ku, ne egkesuatsuat se hinawa ku ke ebpemekebalak kiyu.

1 Kurintu 16:7

Su kenà ku egkesuatan ne mehaan dà se kebpemekebalak tew, ugaid ne iyan netahù te itungan ku ne malù meuhet ke embiya idluhut te Eleteala.

1 Kurintu 4:19

Ugaid ne embiya idluhut te Eleteala, ne mehaan a ebpekepengkeniyan te keniyu. Ne ketà ne egketuenan ku ke endei taman ke gehem dut te arà se mepereyù, ke ruen be kevenar etawa kayi rà te bèbà dan.

Hibruhanen 6:3

Ketà be ne iyan tumù se ed-iseg ki se eguru rut te ruma ne penurù mekeatag ki Hisus apey ebpekeiseg pà ke peretiyaya tew. Ne ed-ul-ulaan tew ini embiya idluhut te Eleteala.

Santiago 4:16

Ugaid ne sikiyu mulà ne menge mepereyù su idantal niyu ke ed-ul-ulaan niyu. Ne meraat arà se idantal niyu diyà te etuvangan te Eleteala.