Santiago 3:9 - Ke meupiya ne tudtul mekeatag ki Hisu Kristu

⁹ Ini se dilà ta se ebales te kebpeselamat ta te Amey tew ne Eleteala ne ke Kerenan tew riyà te langit, ne ke dilà ta red maa se ebales te kebpenrawak ta te ruma ta misan Eleteala se midlimbag kandan iring te paras din.

Santiago 3:9 ပူးပေါင်းရင်းမြစ်များ

Mateo 26:74

“Dusa kedì,” ke si Pedro, “ke embiya teleduma key keniyan te etew ne egkehiyen niyu!” Arà dà iya ne mid-ukarà en ke manuk.

Mateo 5:44

Ugaid ne igkahi ku keniyu te limui niyu ke menge kunterà niyu, ne ipengeningeni niyu te ebpeneuven te Eleteala ke menge etew ne ebpekesakit kenikew.

Nenged-ulaula 2:26

Engketà arà ne mehalew nevenar ini se hinawa ku, ne misan kayi te lalag ku ne egketuusan nevenar. Ne misan ebpatey a ne idsarig ku kandin ini se lawa ku,

Ruma 3:14

Warà duma ne egkehiyen dan ke kenà kebpendrawak te menge ruma ran.

1 Kurintu 11:7

Su iyan kenà kedtutubew rut te meama ne ebpengeningeni su sikandin ne nelimbag te iring dut te kebpeparas te Eleteala, ne riyà te kandin ne egkekita ke bayàbayà te Eleteala. Ugaid ne ke meritan se egkekitaan dut te kebayàbayà te meama.

Ipisu 1:3

Edeyuen tew ve ke Eleteala ne Amey ni Hisu Kristu ke Kerenan tew. Su egenat dut te mibpekidseveka kiyu ki Hisu Kristu, ne rekelà se tavang te Eleteala keytew su mibehayan kiyu rin te langun ne keupianan ne riyà dà egenat te kandin ne riyà te langit.

Santiago 1:27

Su ke etew ne edtelimà dut te Amey tew ne Eleteala ne metidtu nevenar se kebperetiyaya rin ne arà imbe ne etew ne metau ne edtavang te menge ilu wey ke menge balu ne egkerehenan. Ne kenà dema sikandin eduma rut te meraat ne ed-ul-ulaan te menge etew kayi te ampew te dunya.

Santiago 3:10

Iyan din meana ne kayi ebpuun te sebseveka ne bèbà ne egemew ke lalag ne ebpeselamat ki te Eleteala wey ke lalag ne ebpenrawak ki te ruma ta. Menge suled, kenà meupiya arà!

1 Pedro 1:3

Ne edeyuen tew ke Eleteala ke Amey rut te Kerenan tew ne si Hisu Kristu. Dekelà se kegkeyru rin keyta su egenat te kebanew rin ki Hisu Kristu ne mibehayan kiyu rin te behu ne umur ne nevaluy ki ne menge anak din. Tembù be ruen ebpenerengen tew ne egkevanew ki red te Eleteala ne ebehayan te umur ne warà edtemanan din diyà te ubpaan din.