Santiago 3:8 - Ke meupiya ne tudtul mekeatag ki Hisu Kristu

⁸ Ugaid ne warà etew ne ebpekegaga ne ed-eren te dilà din. Su ini se dilà ta ne ebpekeiring te bisa dut te uled ne ebpekepatey, ne kenà edsanggel se kebpengahikahi rin te meraat.

Santiago 3:8 ပူးပေါင်းရင်းမြစ်များ

Ruma 3:13

Iyan dà neketahù te bèbà dan ne meredsik iring dut te memawù ne edsengew diyà te leveng. Ne miduma en be imbe ketà ke tarù su warà tulan dut te dilà dan. Iring te bisa te uled ini se egemew te bèbà dan ne ebpekekaid.

Santiago 3:6

Na, iring te apuy ini se dilà te etew. Su ke dilà ta se ebpuunan te langun ne edsusunan te meraat ne ebpekereraat kenitew. Misan deisek nevenar ke dilà kayi te lawa ta, ne embiya edlalag te meraat ne ebpekereraat te itungan wey hinawa ta. Igenat te batà ki pà taman te hewii te kebpatey ta, ne ini se dilà ta se ebpekegaga ne ederaat kenita, su iring te apuy ne riyà ebpuun te apuy nerakà.

Santiago 3:7

Netuenan ta te ke etew se ebpekelayam te langun ne susunan te binatang kayi te ampew te dunya, su ruen merakel ne leew ne binatang wey merakel ne pepenuk wey merakel ne serà wey misan menge uled ne nelayamen te etew.

Imperayag 12:9

Su in-antug dan diyà te ampew te dunya ini se rekelà ne tendayag wey langun ne sakup din. Su ini se tendayag ne arà se engkungkun ne uled te rengdengani rà nevenar ne ed-ingaranan ki Setanas ke datù te pekaid, ne metau ne edlimbung te langun ne menge etew kayi te ampew te dunya.