Santiago 3:14 - Ke meupiya ne tudtul mekeatag ki Hisu Kristu

¹⁴ Ugaid ne embiya egkesihi ke etew wey mepereyù, ne kenà meupiya ne ibpendantal din mekeatag dut te meupiya ne ulaula rin wey ke dekelà ne nesebutan din su teruen sikandin wey nekerimpas sikandin dut te tidtu ne penurù.

Santiago 3:14 ပူးပေါင်းရင်းမြစ်များ

Mateo 27:18

Iyan din migkahi ini su netuenan din se ini se id-isuhat ne kewagib ki Hisus dut te menge mepurù te terebpelengesa ne sabap dut te kegkesihi ran kandin.

Juan 16:2

Su ke menge etew ne mid-engkenà kedì ne ebpeawà keniyu rut te baley ne ebpengedian te menge Hudiyanen te penduan dan. Uya, su egkeuma ke hewii ne ke etew ne ed-imatey keniyu ne iyan din kunaan ke netuman din ke kiyug te Eleteala.

Nenged-ulaula 13:45

Guna su nekita dut te menge Hudiyanen te denda ne menge etew ne nevurun, ne nesihi ran midsumpalit dan ke impenurù ni Pablo ne midtempelà dan dema sikandin.

Nenged-ulaula 26:9

“Ne siaken dengan,” ke si Pablo, “ne kunaan ku ke iyan ibpehelevek kediey te Eleteala ne kebpegelep te ebpekesakit dut te menge etew ne mibperetiyaya ki Hisus ne riyà ebpuun te inged ne Nesarit.

Nenged-ulaula 5:17

Ketà ne ini se Pinekemepurù te menge Terebpelengesa wey ke menge ruma rin ne menge Sadyusiyu, ne dekelà nevenar se kegkesihi ran dut te menge kedserihan, tembù be midsuhù dan

Nenged-ulaula 7:9

“Na,” ke si Esteban, “kayi te ini ne sepulù wey deruwa ne anak ni Jacob ne duen senge etew ne ed-ingaranan ki Jose ne ingkesihi rut te menge suled din. Si Jose ini, ne mibpasa rut te menge suled din ne egkevaluy ne uripen diyà te inged ne Ihiptu. Ugaid ne ke Eleteala se miduma kandin,

Ruma 1:29

Ne ke itungan dan ne nepenù dut te langun ne meraat, ne lelegawen dan, ne meraat se ulaula ran dut te menge ruma ran. Imaan dan, ne terevunù dan, ne ebpekid-ehet dan, ne tenlimbungen dan, ne iyan dan pegitungan mekeatag te ruma ne etew ne meraat, ne edserupet dan te menge ruma ran,

Ruma 13:13

Uya, ed-upianan ke menge ulaula tew su ini ke dait ne ed-ul-ulaan dut te menge etew ne ed-ubpà te kerayahan. Ne kenà ki en ebpemekiduma dut te kevurunan te menge etew ne ebpengasak te temperasà wey ebpenginum te ebpeketevereg, ne kenà ki ebpengingniyug etawa ed-ulaula te misan engkey en ne mekeyeyà ne kenà ki ebaal te kewahaan etawa egkeima.

Ruma 2:17

Ne sikiyu rema se menge ruma ku ne Hudiyanen, ne impereyùdeyù niyu te Hudiyanen kew, ne egkahi kew te meupiya se itungan te Eleteala mekeatag keniyu su ruen penduan din kayi te keniyu. Ne idantal niyu te sikiyu rà se netau te Eleteala.

Ruma 2:8

Ugaid ne ruen duma pà ne menge etew ne iyan dà netahù te menge itungan dan ne iyan dan ibpeiseg ne kandan ded ne kiyug, ne warà dan mebperetiyaya rut te benar mekeatag te Eleteala su iyan dan midtuman te ebperetiyaya ne ke tarù. Ne ini se menge etew ne kenà deisek dà se kegkeepes te Eleteala kandan su ke kedusa ne ibehey kandan ne mevehat.

1 Kurintu 13:4

Su embiya benar se limù ta te menge ruma ta, ne iyan ta egked-ulaula ne ebpekepeninigker ki, ne ebpeketulanged ki, ne warà kegkeima ne idtahù ta te hinawa ta, ne kenà iyan ta ebpemengaan se kegkereyui ta, wey kenà ki ebpendantal.

1 Kurintu 3:3

Su ed-ul-ulaan niyu red ke ulaula rut te menge etew ne warà pà mebperetiyaya. Egkehiyen ku ini su ruen pà keniyu se egkesihi, ne ruen pà egkewaha, ne tuus be arà te iyan pà egaked keniyu ne ke kiyug dut te kememenusiyai.

1 Kurintu 5:2

Ne misan meredsik ke ed-ul-ulaan dan iring ketà, ne meambe ke ebpereyùdeyù kew pà lavew? Iyan tumù ne egkemutu kew ne ibpeawà niyu sikandin dut te kevurunan niyu su atag dut te meredsik ne ulaula rin.

1 Kurintu 5:6

Warà iya kewagib niyu te ebpendekarak! Iyan meupiya ne id-awà niyu arà se meraat su apey kenà ebpekeeneb dut te langun niyu iring dut te beseanan ne egkahi te, “Misan ibukbuk niyu ke reisek ne pelevag dut te tapung ne ebeelan ne pan ne langun ketà ne edlevag.”

2 Kurintu 12:20

Ne ibpekebmutu te hinawa ku su kalu ke ebpekeuma a keniyan ne ruen egkekita ku ne ulaula niyu ne kenà ku igkesuat. Ne kalu ke ruen ed-ul-ulaan ku ne kenà niyu igkesuat su ke kedsawey ku rut te meraat ne ulaula niyu. Iyan ibpekebmutu te hinawa ku ne kalu ke ebpekeuma a ne ruen egkewaha keniyu, ruen ebpengelikud, ruen melemu ne egkeepes, ruen lelegawen, etawa ruen metehel ne ebpegkayà te ruma rin, ruen serupeten, ruen mepereyù wey ruen kenà egkepegumpung.

Gelasiya 5:15

Ugaid ne embiya iring kew te asu ne ebpekegkehatey su sabap dut te ebpemekedlewanà kew, ne urami niyu ke ebpekereraat kew rut te kedseveka te hinawa niyu te keduma ki Hisus.

Gelasiya 5:20

ebpengarap dan te kenà tidtu ne Eleteala, edlambus te ruma ran, ebpekunkuntereey ran, ebpelewlewaney ran, ebpengpengelikurey ran, ebperengrengitey ran, iyan den dà egkepegitung ke kandan ne hinawa, ebpetintindehey ran ne kenà dan edtevangan ke ruma ran,

Gelasiya 5:21

imaan dan, pelehubug dan, ne ed-ulaula te piya engkey ne egkiyuhan dan, wey ruma pà ne meraat ne ulaula ne iring ketà. Ingkahi ku en ini pehaney ne gunteani maa ne ibaag kud keniyu te ke etew ne ebpegula-ula te iring kayi ne kenà dan ebpekeamung dut te Edetuan te Eleteala.

Gelasiya 5:26

Iyan iya se kenà kiyu ebpereyùdeyù, ne kenà kiyu melemu ne egkeepes, ne kenà kiyu ebpepengpengelikurey.

Gelasiya 6:13

Ugaid ne misan mid-etusan dan, ne kenà dan edumaan ke langun ne penduan ni Moises. Kiyug dan ne ed-etusan kew su apey egkerineg dut te menge ruma ran ne Hudiyanen ne egkereyù dan su duma kew en ma nikandan.

Pilipus 1:15

Benar ne ruen duma ne menge etew ne ebpesabut te Lalag te Eleteala su egkesihi ran kedì, ne arà ke dalan te kebpekid-ampew ran. Ugaid ne ruen ruma ne etew ne kenà, su iyan dan kebpesabut te Lalag te Eleteala ne egenat te hinawa ran en iya.

Pilipus 2:3

Kenà be egkepakey ne iyan niyu ed-ul-ulaan ne ed-umamin te langun taman etawa ebpendantal. Ugaid ne ipeembavà niyu ke hinawa niyu, ne edati niyu ke menge ruma niyu.

1 Timoteo 2:4

Su iyan din igkesuat ne langun te menge etew ne ebpeketuen te tidtu ne ralan diyà te Eleteala wey ebpekeliyu ran dut te kedusa te salà dan.

1 Timoteo 6:4

ne meperayù sikandin ne warà nesebutan din mekeatag te tidtu ne penurù. Iyan din dà igkesuat ne ebpekidlewaney te lalag, ugaid ne warà rantek din ini su iyan din dà egketemanan ne ebpein-indihà, kewahaan, ebpetemptempeleey, peen-entapà

Tito 3:3

Su sikitew ne menge mibperetiyaya ne rengan ne menge merupangdupang ki, kenà ki meperumaruma, ne warà ki meketuntul ke tidtu ne penurù. Nengeuripen ki rut te langun ne kiyug tew rà, ne iyan dà neketahù kayi te hinawa ta ne meraat ne ebpekesakit te hinawa te ruma ta wey ebpesigsihiyey. Neepesan ki te menge etew, ne neepes ki red dema kandan.

Santiago 1:18

Ne sabap dut te kandin ne kiyug ne ebeluyen ki rin ne anak din ketà te kebperetiyaya ta te benar ne impenurù din. Ini se mid-ulaula rin su apey ke sikita se belielehà dut te langun ne midlimbag din.

Santiago 3:16

Su embiya ruen etew ne egkesihi wey mepereyù, ne arà se puunan te kegkehuvar wey merakel ne meraat ne ulaula.

Santiago 5:19

Menge suled ku, embiya ruen etew riyà te keniyu ne nekesuwey rut te tidtu ne penurù, iyan meupiya ne ruen etew ne edtavang kandin su apey ebpekelived ded sikandin te tidtu ne penurù.