Santiago 2:4 - Ke meupiya ne tudtul mekeatag ki Hisu Kristu

⁴ na embiya ini se ed-ul-ulaan niyu, ne meraat arà su ke ked-elit-elit niyu te menge ruma niyu ne mibperetiyaya ne warà meked-iring su kunaan niyu ke kewasa ne etew ne iyan pà belielehà dut te ayuayu. Ne ini se mid-ulaula niyu ne ebpuun arà te meraat ne itungan niyu.

Santiago 2:4 ပူးပေါင်းရင်းမြစ်များ

Lucas 18:6

Ne migkahi en maa si Hisus te, “Pegpegitunga niyu arà se midlalag dut te egawed te kukuman ne kenà metidtu ne midtindeg dut te meritan.

Juan 7:24

Kenà kew ed-isuhat te kukuman te kayi rà te egkekita niyu, ugaid ne ed-isuhat kew te kukuman te ibpeunsad dut te benar.”

Santiago 3:17

Ugaid ne ke etew ne riyà ebpuun te Eleteala se ketampas din, ne arà se etew ne metidtu diyà te etuvangan te Eleteala. Mehalewhalew se hinawa rin dut te menge ruma rin, melimù sikandin, ne laus ne edsepekat. Igkelimù din ke menge ruma rin, ne layun meupiya se ed-ul-ulaan din diyà te kandan. Warà ebpelebien din su negidsan se ulaula rin dut te langun. Ne kenà asal-asal dà se peretiyaya rin su tidtu se hinawa rin.

Santiago 4:11

Menge suled ku, kenà kew ebpeserserupetey su ke etew ne edseserupet wey ebpendeisek te ruma rin ne mibperetiyaya, ne timbang te ebpendeiseken din ke dekelà ne penduan te Eleteala. Ne embiya ebpendeiseken niyu ke penduan te Eleteala, ne kenà kew ebperumaruma te suhù din su iring kew te iyan ebayàbayà dut te penduan.