Santiago 2:26 - Ke meupiya ne tudtul mekeatag ki Hisu Kristu

²⁶ Na ini se kebperetiyaya tew te Eleteala ne iring te lawa te etew, su embiya warà hinawa rin ne warà atag din su minatey. Iring din ded dema se peretiyaya tew, su embiya warà ed-ul-ulaan tew ne meupiya ne edruyud te peretiyaya tew ne warà atag din ke peretiyaya tew.

Santiago 2:26 ပူးပေါင်းရင်းမြစ်များ

Lucas 23:46

Ne ketà ne migkulayì si Hisus se egkahi te, “Amà, ebpeheweran ku kenikew ke gimukud ku.” Nelalag din dà ini ne nependusan en sikandin te hinawa.

Gelasiya 5:6

Su embiya egkeseveka ki ki Hisu Kristu, ne kenà ke kebpeetus ta etawa ke kenà ta kebpeetus se dalan ne ebmetidtu key riyà te etuvangan te Eleteala. Ugaid ne iyan kiyug te Eleteala ne ibpekita ta te benar se kedsarig tew ibpepevayà te kebpelimlimuey.

Santiago 2:14

Menge suled, embiya ruen etew ne egkahi te mibperetiyaya rin si Hisu Kristu ke Kerenan tew ugaid ne kenà egkekita kayi te ulaula rin, ne warà atag din arà te kinekahi rin te mibperetiyaya rin su arà se kegkahi rin te mibperetiyaya sikandin ne kenà ebpekegaga ne ebpeliyu kandin dut te salà din.

Santiago 2:17

Ne iring ded dema ke kedsarig tew. Embiya egkahi ki te ebperetiyaya ki te Eleteala ugaid ne kenà egkekita kayi te ed-ul-ulaan tew, ne kenà benar arà se peretiyaya tew.

Santiago 2:20

Kenà metau ne ebpegitung ke etew ne edlalag te iring ketà! Ebpesebutan ku pè be sikiyu kayi te kebperetiyaya ta, embiya kenà egkekita ibpepevayà te ulaula ne meupiya, ne warà rantek din ke peretiyaya ta.