Santiago 2:25 - Ke meupiya ne tudtul mekeatag ki Hisu Kristu

²⁵ Iring ded dema ketà ke sarig ni Rahab ke sundal ne meritan dengan. Mibmetidtu sikandin diyà te etuvangan te Eleteala su sabap dut te meupiya ne ulaula rin su mibpepemenayik din ke deruwa ne suhù ni Josue ne nekeuma su edsirib te inged din ne Hiriku, ne midtevangan din sikandan apey ran ebpekepelelahuy se ed-ulì ibpepevayà te sengebias ne ralan.

Santiago 2:25 ပူးပေါင်းရင်းမြစ်များ

Mateo 1:5

ne si Salmun ne amey ni Buus (si Rahab ke iney rin), si Buus ne amey ni Ubid (si Ruth ke iney rin), si Ubid ne amey ni Isai,

Mateo 21:31

“Na, endei ve rapit kayi te deruwa ne teleari,” ke si Hisus, “se midtuman dut te suhù te amey ran?” “Ke kakey,” ke sikandan. “Idtarem ku keniyu,” ke si Hisus, “te ini se menge etew ne kenà meupiya kayi te etuvangan niyu iring te menge ebpevayad te buwis wey menge meritan ne warà en keeleran din ne ebpekeiring dut te kakey dut te teleari su edtuman dan guntaan te Lalag te Eleteala ne tembù be egkeuna ran keniyu ne ebpekelusud dut te menge etew ne Edetuan te Eleteala.

Nenged-ulaula 17:7

ne si Jason,” ke sikandan, “se mibpeubpà kandan diyà te baley rin. Ne langun dan ne nekesurang dut te menge penduan te datù tew ne si Cesar su egkehiyan dan ne ruen pà mepurù ne datù ne ed-ingaranan ki Hisus.”

Hibruhanen 11:31

Ne sabap dut te sarig te senge etew ne meritan ne ed-ingaranan ki Rahab ne mid-ubpà ketà te inged ne Hiriku, ne misan meritan sikandin ne warà keeleran din te warà pà mebperetiyaya sikandin, ne warà mekeragkes sikandin dut te mibpematey ne menge ruma rin te arà ne inged. Su ketà te kinepekeuma rut te deruwa ne etew ne midsuhù ni Josue te ebpepenitipen ke inged ne Hiriku ne midtevangan din sikandan su atag dut te sarig din te Eleteala. Ketà ne warà imetayi sikandin.

Santiago 2:18

Na kema ke ruen egkahi te, “Senge etew se ebperetiyaya te Eleteala su apey ebpekeliyu, ne seveka se ed-ulaula te meupiya su apey ebpekeliyu.” Ugaid ne ini se tavak ku ketà te etew ne edlalag te iring ketà. Iyan meupiya ne ebperetiyaya ki, ugaid ne kenà tidtu se peretiyaya ta embiya kenà egkekita kayi te ed-ul-ulaan ta. Iyan meupiya ne ibpekita ta ini se peretiyaya ta ibpepevayà dut te meupiya ne ed-ul-ulaan ta.

Santiago 2:22

Kayi ta ve imbe egketueni se tidtu se peretiyaya ni Abraham su impekita rin kayi te mid-ulaula rin. Ne ini ve se kineduma rin dut te kiyug te Eleteala se kinemevaher te sarig din.

Santiago 2:24

Ketà ne nesebutan ta te ke etew ne metidtu diyà te etuvangan te Eleteala ne arà se etew ne eduma te lalag din. Su riyà te Eleteala ne arà se egkahi ki te ebperetiyaya ki ne kenà ebpekegaga embiya kenà egkekita kayi te ed-ul-ulaan tew.