Santiago 2:23 - Ke meupiya ne tudtul mekeatag ki Hisu Kristu

²³ Ketà be ne ke lalag te Eleteala ne impesurat din dengan ne netuman en, ke sikandin te, “Mibperetiyaya si Abraham te edtumanen te Eleteala ke impasad din kandin, tembù be nevirang te Eleteala si Abraham ne metidtu.” Ne arà imbe se kineingerani kandin te sepekat te Eleteala.

Santiago 2:23 ပူးပေါင်းရင်းမြစ်များ

Marcos 12:10

Ne migkahi pà maa si Hisus te, “Nevasa niyu red ura ke impesurat ne Lalag te Eleteala ne egkahi te, ‘Ke pelaus ne mid-eng-engkeran dut te menge etew ne ebpemevaley, su kunaan dan ke warà rantek din ne iyan en iya ini nepemilì ne segkad te valey.

Marcos 15:27

Ne ruen deruwa ne tulisan ne inlansang dan dema duma ki Hisus, seveka kayi te egkekewanan din, ne seveka kayi te egkehivang din. [

Lucas 4:21

Ne migkahi sikandin kayi te kandan te, “Ini se nekahi rut te impesurat te Eleteala ne mibasa ku ne netuman en gunteani te ini ini en iya ne nerineg niyu.”

Nenged-ulaula 1:16

“Menge suled,” ke sikandin, “kenà egkepakey ne kenà edtumanen ke Lalag te Eleteala ne impesurat te Kedesenan ne Ebpetuntul te Menusiyà ki David dengan. Su impekahi rin neraan te si Hudas se ebpalad ki Hisus diyà te menge etew ne edsigkem kandin.

Ruma 11:2

Warà ded indumilì te Eleteala ke mibpemilì din ne kandin ne menge etew dengan te aney en dut te kinelimbag din. Su netenuran niyu red ma vuwa ke impesurat ne Lalag te Eleteala rengan te kinevuyù ni Elias diyà te Eleteala mekeatag dut te meraat ne mid-ulaula te menge ruma rin ne Hudiyanen.

Ruma 9:17

Iring dut te impesurat ne Lalag te Eleteala ne migkahi rin ki Parao ne senge etew ne ratù diyà te inged ne Ihiptu rengan ne warà din ingkeyru. Ke sikandin te, “Tembù mibaluy ku sikew ne ratù su apey egkekita ke gehem ku ketà ke egketalew ku sikuna wey apey a egkevantug kayi te langun ne kelibutan.”

Gelasiya 3:22

Ugaid ne kenà egkepakey su ruen impesurat te Lalag te Eleteala ne egkahi te, “Warà etew kayi te ampew te dunya ne warà salà din su langun ne neiketan dut te salà din.” Ne benar arà. Ugaid ne egenat dut te sarig dan ki Hisu Kristu, ne egkevehayan dan te tavang ne impasad te Eleteala ne ini se umur ne warà edtemanan din.

Gelasiya 3:6

Id-upama ku ini ne iring dut te nekahi te insurat te Lalag te Eleteala mekeatag ki Abraham ke keep-epuan tew rengan. “Mibperetiyaya iya si Abraham dut te ingkahi kandin te Eleteala ne egenat ketà se kebperetiyaya rin ne midtelimà din ne mibmetidtu sikandin riyà te etuvangan te Eleteala.”

2 Timoteo 3:16

Su langun ne lalag te Eleteala ne impesurat din ne riyan en iya ebpuun te kandin. Ne dekelà se atag din kenita su iyan ebpayag kenita te tidtu ne penurù mekeatag kandin wey ke kiyug din, wey edawey keyta te meraat su apey ki ebpekeengked. Ne ebpemandù dema kenita te ulaula ne ebpekesuhat kandin apey ki ebpekeruma te metidtu.

Santiago 2:24

Ketà ne nesebutan ta te ke etew ne metidtu diyà te etuvangan te Eleteala ne arà se etew ne eduma te lalag din. Su riyà te Eleteala ne arà se egkahi ki te ebperetiyaya ki ne kenà ebpekegaga embiya kenà egkekita kayi te ed-ul-ulaan tew.

1 Pedro 2:6

Su ruen impesurat ne Lalag te Eleteala ne egkahi te, “Duen mibpemilì ku ne edatù ne iring te pelaus ne berepantag ne iyan segkad dut te baley ne ibpeitindeg ku riyà te inged ne Siyun. Ne piya engkey ne etew ne ebperetiyaya kandin ne kenà ebpekedsendit dut te kebperetiyaya rin kandin.”