Ruma 9:9 - Ke meupiya ne tudtul mekeatag ki Hisu Kristu

⁹ Su ruen impasad te Eleteala ki Abraham te warà pà in-anak si Isaac, ke sikandin te, “Senge rahun pà guntaan ne edlived a kayi ne ed-anak en ini se esawa nu si Sara te meama.”

Ruma 9:9 ပူးပေါင်းရင်းမြစ်များ

Nenged-ulaula 5:38

Tembù be,” ke si Gemalil, “ini ne ulaula ne iyan ku egkekahi ne kenà tew en ed-ul-ulaan se ebpekesekitan tew ini se menge etew. Ebeleharen tew en, su embiya kayi rà ebpuun te etew ini se netahù te itungan dan wey ebeelan dan ne kenà ebpekeiseg,

Hibruhanen 11:17

Ne sabap dut te sarig ni Abraham te Eleteala ne mibperumaruma sikandin te kinesuhua kandin te Eleteala te ibehey ini se anak din si Isaac ne ibpelengesa te Eleteala. Insuhù kandin ini te Eleteala dut te hewii te kinebetelua kandin te Eleteala ke engkey se taman ne kevaher te kedsarig din te Eleteala. Ne misan sikandin se mibpesaran te Eleteala te sabap dut te ini se anak din si Isaac ne egkevuwad ke menge inenakan din, ne misan iring ketà ne malùmalù din ed-imetayi ini se budtung ne anak din si Isaac su ibehey rin ne ibpelengesa te Eleteala.