Ruma 9:4 - Ke meupiya ne tudtul mekeatag ki Hisu Kristu

⁴ Su rekelà se tavang te Eleteala ne impekita rin kandan su rengan ne mibpemilì te Eleteala ke menge kevuwaran ni Israyil ne egkevaluy ne menge anak din, ne sikandan ke mid-anak-anak te Eleteala ne diyà te kandan ne impekita te Eleteala ke kenà egkeseupama ne raman din. Mibaal sikandin te neupakatan te kedtavang kandan, ne imbehey rin kandan ke penduan din, ne sikandan ne mibpenurù din te ralan te kebpenenangur dan kandin, ne merakel se impasad din kandan.

Ruma 9:4 ပူးပေါင်းရင်းမြစ်များ

Mateo 21:33

“Pemineg kew pà,” ke si Hisus, “te ruma pà ne sempità ku. Ruen senge etew ne ruen tanà din ne mibpemulaan din te wahed ne ed-ingaranan te paras. Ne mid-alad din arà, ne mibaal te edtehuan dut te egkekeres ne bahas te paras, ne midsebungan din te ebpeubpaan dut te ebpeventayen din. Ne ruen pinekamal din dut te impemula rin, ne arà pà ne mid-ipanew se ebpendiyà te meriyù ne inged.

Juan 1:17

Su si Moises ke nekepeneheewit te penduan te Eleteala kayi te langun tew ne menge menusiyà, ugaid ne si Hisu Kristu ke mibpepayag ne limù te Eleteala wey ke benar mekeatag te Eleteala.

Juan 1:47

Guna su nekita ni Hisus si Natanael se ebpelingguma kayi te kandin ne migkahi te, “Ayan be ke tidtu ne inenakan ni Israyil su warà edtelevan din.”

Nenged-ulaula 2:39

Su ini ke impasad te Eleteala keniyu wey ke menge kevuwaran niyu abpeg te langun ne menge etew ne ed-ubpà diyà te meriyù, langun ne ibpeuvey dut te Kerenan tew ne Eleteala ne eduma kandin.”

Ruma 3:2

Ugaid ne rekelà iya se atag din kayi te sikami ne Hudiyanen. Seveka en, ne sikami se midtehakan dut te penduan te Eleteala.

Ruma 8:15

Su geina te imbehey en te Eleteala keytew ke Kedesenan ne Ebpetuntul te Menusiyà ne kenà ki en egkevaluy ne uripen ne egkeandek te Eleteala iring dut te rengan, su nevaluy ki en ne menge anak din. Ne sabap dut te gehem dut te Kedesenan ne Ebpetuntul te Menusiyà ne imbehey rin keytew ne egkepakey en ne ed-amey ki te Eleteala.

Ruma 9:6

Impasad te Eleteala rengan ke inenakan ni Israyil ne ebeluyen din ne menge etew rin. Ne kenà ku egkekahi te warà metuman te Eleteala ini se impasad din su netuman en ini, ugaid ne kenà langun dut te inenakan ni Israyil ne ebpekeangkun ketà te impasad te Eleteala kandan.

2 Kurintu 11:22

Ne embiya edantal ayan se menge etew te Hudiyanen dan ne ed-ingaranan te Hibruwanen, ne siaken dema ne Hibruwanen. Ne embiya edantal dan te inenakan dan ni Israyil, ne siaken dema ne inenakan ni Israyil. Ne embiya edantal dan te inenakan dan ni Ebraham, ne siaken dema ne inenakan a ni Ebraham.

Gelasiya 3:16

Ini se sempità ku ne iring dut te Eleteala su ruen impasad din ki Abraham wey riyà te senge etew ne inenakan din. Kenà diyà te langun ne inenakan ni Abraham arà te impasad te Eleteala, ugaid ne riyà te senge etew te inenakan din ne si Hisu Kristu.

Ipisu 2:12

Pehaney iya rema ne mebmeriyù kew ki Hisu Kristu ne warà kebpenareng niyu te kebpekeuma rin, su kenà kew Hudiyanen ke inenakan ni Israyil ne mibpemilì te Eleteala ne menge etew rin. Tembù be kenà kew ebpeketelimà dut te keupianan ne impasad te Eleteala kandan te edsuhù sikandin te ebpekepeliyu kandan ne ed-ingaranan ki Hisu Kristu. Ne pehaney te miduma kew pà te meraat ne ulaula rut te menge etew kayi te ampew te dunya, ne warà egkepenareng niyu ne tavang te Eleteala su warà niyu ma metueni ke engkey se benar ne Eleteala kayi te ampew te dunya.

Hibruhanen 9:1

Ketà te neuna ne pasad ne mibeelan te Eleteala dut te menge etew ne ruen menge suhù mekeatag te dait ne ed-ul-ulaan dut te menge Hudiyanen te kebpengarap kandin. Ne ruen dema baley ne mibpeveelan te Eleteala te menge etew ne ebpengerapan dan kandin.

Hibruhanen 9:10

Su ini, ne miduma ran dà te menge penduan mekatag te betasan te kegkaan, ked-inum wey ke mid-ulaula ran te ebmelinis ke lawa ran te warà dan pà mekeuvey te Eleteala. Su langun kayi ne suhù ne idlinis dà dut te lawa ran, ugaid ne kenà egkegaga te edtilak ke hinawa ran. Ne langun kayi ne ruen egkeetahan din se taman dà ketà te hewii ne edsembian te Eleteala ke behu ne ralan.

Hibruhanen 9:3

Ne ruen mekepal ne saput ne impehelet dut te ikeruwa ne ruhu. Ne ini se ikeruwa ne ruhu ne ed-ingaranan te Punggus ne Berekat ne Ruhu.

Hibruhanen 9:5

Diyà te divavew te kavan ne ruen deruwa ne ledawan ne iring dut te paras te suluhuen ne neverat se pakpak dan ne tuus te ketà ke Eleteala. Neverat en ke pakpak dan su ed-elungan dan ke divavew te kavan su riyà ibpirik ke lengesa dut te impelengesa su apey egkepesehad ke salà dut te menge etew. Ugaid ne kayi ku rà edtemana ini su kenà pà ini timpu te edseysey.

Hibruhanen 9:6

Ne arà be ke kinepedtandang dut te langun diyà te baley ne ed-erapan. Ne edlusud ke menge terebpelengesa dut te neuna ne ruhu te uman gewii su edtumanan dan ke impehelevek kandan te Eleteala.