Ruma 9:33 - Ke meupiya ne tudtul mekeatag ki Hisu Kristu

³³ Ini se batu ne netempilahan dan ne ruen nekahi te Eleteala dut te impesurat din se egkahi te, “Intey niyu ma se intahù ku ne etew riyà te inged te menge Hudiyanen ne ed-ingaranan te Siyun, ne iring sikandin te batu ne egketempilehan te menge etew, uya iring sikandin te batu ne egkeurembakan dan. Ugaid ke etew ne ebperetiyaya kandin ne kenà ebpekedsendit dut te kebperetiyaya rin kandin.”

Ruma 9:33 ပူးပေါင်းရင်းမြစ်များ

Mateo 21:42

Ne migkahi pà maa si Hisus te, “Maa, warà niyu ves mevasa ke impesurat ne Lalag te Eleteala mekeatag te ini? Su nekahi ketà te, ‘Ke pelaus ne mid-eng-engkeran dut te menge etew ne ebpemevaley su kunaan dan ke warà rantek din, ne iyan en iya ini nepemilì ne segkad te valey. Ini se mid-ulaula te Kerenan, ne mekegeyip nevenar!’

Mateo 21:44

Ne geina te siaken ini se segkad ne egkerupet ke langun ne egkeulug ketà, ugaid ne egkepipinì ke langun ne egkepilayan din.]”

Ruma 10:1

Na menge suled ku, iyan ku perem egkesuatan ne egkepelihaun ke menge ruma ku ne Hudiyanen dut te kedusai kandan te Eleteala! Ini ve imbe ke lelayun ku ibpengeningeni te Eleteala!

Ruma 10:11

Su ruen impesurat ne Lalag te Eleteala ne egkahi te, “Misan engkey ne etew ne ebperetiyaya ki Hisu Kristu, ne kenà sikandin ebpekedsendit dut te kebperetiyaya rin.”

Ruma 5:5

Ne kenà ki ebpekegkeyà kayi te kebpenareng tew su benar ini ne edtumanen te Eleteala sabap dut te pengelimuan din keytew. Ne ini se limù din ne riyà din ipepevayà dut te Kedesenan ne Ebpetuntul te Menusiyà ne imbehey rin keytew.

Gelasiya 5:11

Menge suled, duen dema menge etew ne migkahi te warà ku meengkeri te ebpenurù te iyan iya se ebpeetusan ki su apey kiyu ebmetidtu riyà te etuvangan te Eleteala. Ugaid ne kenà benar arà, su embiya benar ne kenà e red edresayen dut te menge ruma ku ne Hudiyanen atag dut te penurù ku mekeatag te kinepatey ni Hisu Kristu riyà te pinebelavag ne kayu. Ne geina te kenà a ebpenurù te sikitew ne ebpeetusan, ne ingkeepes a nikandan.

Pilipus 1:20

Su dekelà se egkepenareng ku wey ke sarig ku te ebpeketuman a rut te langun ne insarig te Eleteala kediey su apey warà kegkeyeyai ku. Nasì pà se iyan ku kiyug ne ed-iseg pà ke kewalew ku te ebpesabut te Meupiya ne Tudtul su apey guntaani wey ketà te hewii ne ebpekeuma ne siaken se puunan te kegkereyù ki Hisu Kristu taman te biviyag e pà etawa misan ebpatey a.

2 Timoteo 1:12

Tembù be egkerasey ad ini te bilengguan. Ugaid ne kenà ku igkeyeyai su netuenan ku se Eleteala ma se edserihan ku. Ne netuenan ku rema se ebpekegaga sikandin ne edtuganur kedì te langun ne helevek ne insarig din kedì taman ketà te hewii ne kedlived din te egkukum kenitew.

1 Juan 2:28

Uya menge anak ku, embiya layun meilut se kebpekidseveka niyu ki Hisu Kristu ne kenà ki egkeandek ne kenà ki egkeyeyyaan ne ed-itindeg diyà te etuvangan din ketà te kedlived din kayi.