Ruma 9:28 - Ke meupiya ne tudtul mekeatag ki Hisu Kristu
28 Su kenà duwaruwa ne egkeuma arà se hewii ne seguguneey ne edtumanen te Eleteala ke lalag din ne edusaan din ke langun ne menge etew kayi te ampew te dunya.”
Su ruen en intail te Eleteala ne hewii keuremà te edtimbangen din ke langun ne menusiyà. Ne metidtu se kedtimbang kayi ne etew ne nepemilì din ne edtimbang. Ne impekilala rin dut te langun ne etew te ini se nepemilì din su mibanew rin.”
Neipus arà ne nekita ku ke langit ne nepuwasan ne ruen ketà meputì ne kudà. Ne iyan ngaran dut te mid-untud ketà ne si Kedserihan wey si Benar su ini se kegkukum din ne metidtu ne ini se ked-atu rin dut te menge kunterà din ne metidtu red dema.