Ruma 8:5 - Ke meupiya ne tudtul mekeatag ki Hisu Kristu

⁵ Su ke menge etew ne edtuman te kandan dà ne kiyug, ne iyan dà netahù te itungan dan ne ke kiyug dan dà ne meraat. Ugaid ke menge etew ne edtuman dut te kiyug te Kedesenan ne Ebpetuntul te Menusiyà, ne iyan dekelà ne netahù te itungan dan ne ke keduma ran te kiyug te Kedesenan ne Ebpetuntul te Menusiyà.

Ruma 8:5 ပူးပေါင်းရင်းမြစ်များ

Marcos 8:33

Ugaid ne midlingì si Hisus se edtengteng diyà te menge edumdumaan din ne midawey rin si Pedro se egkahi te, “Awà ka su iring ka ki Setanas. Su ke itungan nu ne kenà diyà ebpuun te Eleteala, ugaid ne kayi rà ebpuun te itungan te menusiyà!”

Juan 3:6

Su ke id-anak te menusiyà ne menusiyà dà iya, ugaid ne embiya igkesaup en sikandin te igkeanak ibpepevayà dut te gehem te Kedesenan ne Ebpetuntul te Menusiyà ne egkevaluy en sikandin ne anak te Eleteala.

Ruma 8:9

Ugaid ne sikiyu ve mulà, ne kenà en ke keniyu rà ne kiyug se edtumanen niyu su iyan niyu en edtumanen ne ke kiyug dut te Kedesenan ne Ebpetuntul te Menusiyà ne ed-ubpà riyà te hinawa niyu guntaan. Ugaid ke etew ne warà pà mekeubpà diyà te hinawa rin ini se Kedesenan ne Ebpetuntul te Menusiyà ne midsuhù ni Hisu Kristu, ne kenà pà sakup sikandin ni Hisu Kristu.

1 Kurintu 15:48

Ne geina te ne inenakan kiyu ni Adan ne tanà ded dema ke limbahan ta, su tanà ke limbahan te lawa rin. Ugaid ke langun tew ne mibpekidseveka ki Hisus, ne ruen umur din ne kenà edtaman iring dut te umur ni Hisus.

1 Kurintu 2:14

Ugaid ne ke menge etew ne kenà ebperetiyaya ne warà pà metehui te Kedesenan ne Ebpetuntul te Menusiyà, ne kenà dan ebpeketelimà dut te ibehey te Kedesenan ne Ebpetuntul te Menusiyà. Ne kenà dan ma egkesebutan su iyan dan pegitungan ne warà pantag din. Uya, kenà dan ebpekesabut ketà su warà pà meketahù diyà te hinawa ran ke Kedesenan ne Ebpetuntul te Menusiyà ne edtavang kandan su apey ran egkesebuti.

2 Kurintu 10:3

Kenà benar arà su misan etew a rà ne ed-ubpà kayi te ampew te dunya, ugaid ne ini se ralan te ked-atu rey dut te langun ne meraat ne egkunterà te Eleteala ne kenà ke itungan dey rà te kememenusiyai.

Gelasiya 5:17

Su ke kiyug te kemenusiyai wey ke kiyug rut te Kedesenan ne Ebpetuntul te Menusiyà ne kenà ebpekedsebutà. Su egkunterà dan, tembù be egkeliyaliya se hinawa tew ne kenà tew egkeveelan ke egkiyuhan tew ne meupiya.

Ipisu 5:9

Su embiya nereyahan en ke itungan niyu, ne egkekita kayi te ulaula niyu ke langun ne meupiya wey ketidtu wey arà se benar.

2 Pedro 2:10

Na iyan pè be kenà din dusaa ke menge etew ne iyan den dà edumaan ke kiyug te lawa ran abpeg ke menge etew ne ed-engkenà dut te kebayàbayà te Eleteala kandan. Ne ini se migkahi ku ne menge etew ne ebpenurù te tarù ne warà kegkeyeyai ran wey mepereyù. Warà ed-edatan dan nasì pà te edsumpeliten dan ke menge suluhuen te Eleteala diyà te langit.