Ruma 8:38 - Ke meupiya ne tudtul mekeatag ki Hisu Kristu

³⁸ Su netuenan ku ne warà misan engkey en ne ebpekepebelag kenitew dut te rekelà ne limù te Eleteala kenitew, misan keuyag etawa kepepatey, misan menge suluhuen te Eleteala etawa ke ruma pà ne egkamal diyà te langit etawa piya engkey en ne ruen ketehel din ne ebpekeandek, misan ini se egketemanan tew te guntaani en etawa ke ebpekeuma keuremà, ne warè ebpekepebelag kenitew dut te limù din keytew.

Ruma 8:38 ပူးပေါင်းရင်းမြစ်များ

Juan 10:28

Ebehayan ku sikandan te umur ne warà edtamanan din wey kenà en ebpatey ke gimukud dan, ne warà senge etew rà ne ebpekeahew kandan dut te edtingkungan te palad ku,” ke si Hisus.

Ruma 14:7

Su taman te biviyag ki pà ne kenà sikitew se kemuney kayi te hinawa tew, ne misan ketà te ebpatey ki en ne ruen kemuney keytew.

Ruma 14:8

Su taman te biviyag ki pà ne iyan iya se ibpeuna tew ke kiyug te Kerenan tew, ne ketà te kebpatey tew ne sikandin ded se kemuney keytew. Su iyan din meana ne kepatey keuyag ne iyan egkemuney keytew ne ke Eleteala.

Ruma 4:21

Su mevaher ke hinawa rin te ruen gehem te Eleteala te edtuman dut te pasad din.

Ruma 6:23

Su iyan bayad te kebpekedsalà ne kemetayen ne warà edtemanan din, ugaid ne iyan ibehey te Eleteala rut te menge etew ne mibperetiyaya ki Hisu Kristu ke Kerenan tew ne umur ne warà edtemanan su sabap dut te pengelimuan din ne imbehey rin dà dè duen.

1 Kurintu 15:24

Embiya egkeuma en arà se hewii ne mibpetedtavan din kayi te dunya, ne id-awà ded ni Hisu Kristu ke langun ne kunterà din ne edatù ne ruen gehem dan te kedwayàwayà. Egkeipus ketà ne id-ulì din ke kedatù dut te langun ne edetuan din diyà te Amey rin ne Eleteala,

2 Kurintu 11:14

Kenà ku ini igkeselekawi su iring dan ki Setanas ke datù te pekaid ne egkegaga rin te edsalin ke paras din te ebpekeiring dut te suluhuen te Eleteala.

2 Kurintu 4:13

Duen nekesurat dutun te Lalag te Eleteala ne egkahi te, “Mibperetiyaya a rut te lalag te Eleteala ne engketà be arà ne ibpesabut ku.” Ne engketà ded arà se kebperetiyaya ku, su misan egkemerehenan a ne ibpesabut ku red lavew ini se kineperetiyaya ku.

Ipisu 1:21

Ne ketà be ne riyà si Hisu Kristu te langit ne ebayàbayà dut te langun ne ruen gehem din te ebayàbayà. Su warà mepurù pà dut te sikandin diyà te langun ne mekegehem ne edatù kayi te ampew te dunya wey riyà te langit, misan ke egkekita te etew wey ke kenà ta ruma, misan te guntaani en wey ketà te kegkesembii kayi te dunya.

Kulasi 1:16

su ibpepevayà kandin ne midlimbag dut te Eleteala ke langun ne neketahù diyà te langit wey langun ne nekeriken kayi te ampew te dunya, langun ne egkekita wey langun ne kenà egkekita, abpeg ke menge suluhuen wey ke ruma ne ruen gehem din te ebayàbayà. Langun ne nelimbag te Eleteala ibpepevayà ki Hisu Kristu su apey sikandin se egkereyù.

Kulasi 2:15

Ne sabap dut te kinepatey rin ne midtalew rin si Setanas wey ke menge edsugsuhuen din, ketà ne impekita ni Hisus te in-awà din ke ketehel dan su midtalew rin sikandan diyà te etuvangan te langun.

2 Timoteo 1:12

Tembù be egkerasey ad ini te bilengguan. Ugaid ne kenà ku igkeyeyai su netuenan ku se Eleteala ma se edserihan ku. Ne netuenan ku rema se ebpekegaga sikandin ne edtuganur kedì te langun ne helevek ne insarig din kedì taman ketà te hewii ne kedlived din te egkukum kenitew.

Hibruhanen 11:13

Langun kayi ne menge etew te migkahi ku geina ne warà migkurang ke sarig dan te Eleteala taman te minatey ran, misan warà den pà medtelimà arà se impasad kandan te Eleteala te biviyag den pà. Su netuenan dan se ebpekeuma ke hewii te edtumanen te Eleteala ke impasad din kandan, ne taman be te biviyag den pà ne impesabut dan te sikandan ne nekererepuan den dà kayi te ampew te dunya.

1 Pedro 3:22

Ne guntaani ne diyà si Hisus mid-ulì te langit ne ebpinuu diyà te rapit te egkekewanan te Eleteala. Ne langun ne suluhuen te Eleteala wey langun ne ruma pà ne ruen gehem dan ketà ne sikandin se ebayàbayà kandan.