Ruma 8:22 - Ke meupiya ne tudtul mekeatag ki Hisu Kristu

²² Ne netuenan tew se langun ne nelimbag din igenat dà dut te neuna taman dut te guntaani en ne egkerasey en iring te meritan ne ebeliliten.

Ruma 8:22 ပူးပေါင်းရင်းမြစ်များ

Marcos 16:15

Migkehiyan din sikandan te, “Pendiyà kew te langun ne menge inged kayi te ampew te dunya ne ibpesabut niyu ke Meupiya ne Tudtul mekeatag kediey riyà te langun ne menusiyà.

Juan 16:21

Iring ded dema te meritan ne ebpelelesut en te ked-anak din su neuma en ke kegkerasey rin. Ugaid ne embiya nekehemew en ke vatà, ne egkelipatan din en ke mesakit su nehalew sikandin dut te behu pà ne in-anak din.

Ruma 8:20

Su ke langun ne nelimbag din ne neredsikan dut te salà te neuna ne etew rengan; ugaid ne arà se kinekeredsiki ran ne warè ded kebpekeiseg din su egeleveken ded te Eleteala ke engkey se egkiyuhan din kandan. Ugaid ne misan pà te iring ketà ne ruen pà kebpenareng dan,

Kulasi 1:23

Ugaid ne iyan iya se pegelepi niyu te ebpekeiseg ini se sarig niyu ki Hisus su apey kenà egkekisù ke kebperetiyaya niyu. Kenà niyu edsuweyi ini se Meupiya ne Tudtul ne neendihan en te hinawa niyu te aney en te nerineg niyu, su warà duma ne egkepenareng tew te ebpesabut keytew te si Hisu Kristu ke ebpeliyu kenitew ke kenà ini se Meupiya ne Tudtul. Ne ini iya se Meupiya ne Tudtul ne nekeeneb en mekepenudtul kayi te dunya ne senge etew a ne si Pablo ne ebpeneheewit kayi.

Imperayag 12:2

Mehingey sikandin ne nekeerang su ebeliliten en.