Ruma 7:12 - Ke meupiya ne tudtul mekeatag ki Hisu Kristu

¹² Ketà be ne warà meraat ne nekeselet dut te penduan, ugaid ne etew rà. Su langun ne insuhù te Eleteala ne keupianan dà wey ketidtu.

Ruma 7:12 ပူးပေါင်းရင်းမြစ်များ

Ruma 12:2

Ne kenà niyu peun-unuti ke menge ulaula kayi te ampew te dunya ne egkunterà te Eleteala, ugaid ne ivehey niyu te Eleteala ke itungan niyu su apey ke daan ne perangey niyu ne egkevehuwan din. Ketà be ne egkesebutan niyu ke kiyug te Eleteala kayi te keniyu, ne egkesebutan niyu ke ulaula ne ebpekesuhat te hinawa rin su apey warà igkesewayi keniyu.

Ruma 3:31

Ne embiya kayi rà ebpuun te kedsarig tew ki Hisu Kristu ne egkepesahad te Eleteala ke salà tew, ne maa warà bes pantag din ke penduan? Kenà benar arà! Su sabap dut te kineperetiyaya tew ki Hisu Kristu ne midumaan tew te mevaher ke penduan.

Ruma 7:14

Netuenan tew te meupiya ke penduan te Eleteala su riyà ebpuun te kandin. Ugaid ne siaken ne geina te etew a rà ne ruen ded meraat ne netahù te hinawa ku, ne iring a te uripen su iyan ebayàbayà kedì ne ke salà ku.

Ruma 7:16

Ne embiya egked-ulaula ku pà ke kenà ku egkesuatan te ed-ulaula, ne tuus ini te ebpehimbenar a te metidtu ke penduan.

1 Timoteo 1:8

Netuenan ta ne meupiya ini se penduan ke embiya iyan ta kedumai ne ke enget dà ne atag din.