Ruma 6:18 - Ke meupiya ne tudtul mekeatag ki Hisu Kristu

¹⁸ Na guntaani ne iyan ebayàbayà keniyu ne ke metidtu en ne ulaula, su nevelukasan kew en te Eleteala rut te salà ne mid-uripen keniyu.

Ruma 6:18 ပူးပေါင်းရင်းမြစ်များ

Lucas 4:18

“Ke Kedesenan ne Ebpetuntul te Menusiyà ne riyà ebpuun te Kerenan ne Eleteala ne midlumun en kediey, ne mibpemilì a te Kerenan ne Eleteala su apey ku ibpesabut dut te menge etew ne ayuayu ke Meupiya ne Tudtul. Ne mibpeveyaan din kedì apey ku mepenudtuli te egkevelukasan ke menge etew ne nevakù ni Setanas; ne ebpengeulian ke menge pisek su apey ran ebpekekita; ne ebpelihawang dut te menge edtekutaken.

Juan 8:32

Ne egkesebutan niyu ke benar ne penurù mekeatag te Eleteala ne ketà puunan ne egkevelukasan kew.”

Juan 8:36

Geina te siak se Anak te Eleteala, ne embiya egkevelukasan ku en sikiyu ne kenà kew en egkepengunguripen.

Ruma 6:14

Su rengan te iyan niyu pà edumaan ke penduan, ne iring te iyan pà mibayàbayà keniyu ke salà su warà kew meketuman rut te penduan. Ugaid ne geina te impayag en te Eleteala ke daat te nanam din keniyu ne kenà en salà se ebayàbayà keniyu.

Ruma 6:22

Ugaid ne guntaan ne mibelukasan kew en te Eleteala rut te salà ne mid-uripen keniyu, ne nevaluy kew en ne uripen te Eleteala. Ne rekelà se keupianan niyu su ebmetilak ke hinawa niyu, ne egketelimà niyu ke umur ne warà edtemanan din.

Ruma 6:7

Su ke etew ne minatey en ne nekeliyu en te kebayàbayà te salà.

Ruma 8:2

Su sabap dut te sarig tew te neseveka ki ki Hisu Kristu, ne ruen behu ne kegkeuyag ne imbehey keytew te Kedesenan ne Ebpetuntul te Menusiyà. Tembù be impeliyu ki en nikandin dut te salà ne mibayàbayà te lawa tew su apey kenà kiyu en edusaa te kemetayen ne warà edtemanan din.

Gelasiya 5:1

Kenà kiyu en uripen dut te penduan ne intahak ni Moises, su nekeliyu kiyu en. Kenà niyu lipati ini ne itindehi niyu su apey kew kenà mekelived te kegkeuripen dut te penduan.

1 Pedro 2:16

Ne geina te impeliyu ki en dut te salà ta ne egkepakey ne sikita se ebpemilì ke engkey se ed-ul-ulaan tew. Ugaid ne kenà egkepakey ne iyan tew ebpegitungen ne ini se kebpekeliyu keytew ne idtaleb ta dut te meraat maa ne ed-ul-ulaan ta. Ugaid ne ebperumaruma ki te Eleteala su sikita se sugsuhuen din guntaani.