Ruma 5:16 - Ke meupiya ne tudtul mekeatag ki Hisu Kristu

¹⁶ Ne ruen ebiraan te egketemanan dut te mid-ulaula ran su iyan egketemanan dut te salà ni Adan ne egkukumen te kedusaa te langun ne menge etew. Ugaid ne iyan egketemanan dut te mid-ulaula ni Hisus ne misan ruen merakel ne salà te menge etew, ne egkepesehad dan te Eleteala su sabap dut te imbehey rin dè duen ne raat te nanam din su apey iyan din kedtengteng kandan ne metidtu diyà te etuvangan din.

Ruma 5:16 ပူးပေါင်းရင်းမြစ်များ

Mateo 6:14

Su embiya ebpeseharen niyu ke menge etew ne nekedsalà keniyu,” ke si Hisus, “ne egkepesehad kew rema te Eleteala ne Amey niyu ne riyà te langit.

Ruma 8:1

Sikitew ne mibpekidseveka en ki Hisu Kristu, ne warè en kedusai keytew te Eleteala te kemetayen ne warà edtemanan din.

1 Kurintu 11:32

Ugaid ne embiya sikitew ne mibperetiyaya ki Hisus se edusaan te Eleteala, ne iyan din ed-ul-ulaan ini su apey ki kenà ebpekelaus te ed-ul-ulaan ta ne meraat ne kenà ki ebpekeamung dut te menge etew ne kenà ebperetiyaya ne edusaan din te apuy ne rakà.

Gelasiya 3:10

Ugaid ke langun ne menge etew ne iyan dan edserihan te kebmetidtu ran te edtuman dut te penduan ni Moises, ne nekukum dan en te kedusa te Eleteala. Su ruen impesurat ne Lalag te Eleteala ne egkahi te, “Langun ne menge etew ne kenà edtuman dut te langun ne penduan ni Moises, ne edusaan te Eleteala.”

Santiago 2:10

Su ke etew ne eduma te merakel ne penduan te Eleteala ugaid ne nekerimpas sikandin te seveka rà, ne nekedsalà sikandin diyà te etuvangan te Eleteala iring dut te etew ne nekerimpas te langun ne penduan.