Ruma 4:5 - Ke meupiya ne tudtul mekeatag ki Hisu Kristu

⁵ Ugaid ne ke Eleteala, ne kenà ke meupiya ne ulaula tew se iyan din kedtengteng ne warà salà tew. Su warà ed-ul-ulaan tew ne igkevehey su apey tew idsambì te kebmetidtu tew diyà te etuvangan din, su ini ne sabap te daat te nanam din keytew ne ibehey rà dè duen. Ugaid ne sabap dut te kedsarig tew kandin ne iyan din kedtengteng keytew ne metidtu, su sabap dut te kebperetiyaya tew ne egkepesehad ke salà tew.

Ruma 4:5 ပူးပေါင်းရင်းမြစ်များ

Marcos 9:23

“Ne meambe ke id-insà nu pà embiya egkegaga ku?” ke si Hisus. “Su langun ne egkegaga te etew embiya ruen peretiyaya rin te Eleteala.”

Juan 5:24

“Sebenarvenar ini se egkehiyen ku ne misan engkey ne etew ne ebpemineg te lalag ku wey ebperetiyaya rut te midsuhù kedì, ne ebpeketelimà dut te umur ne warà edtemanan din. Ne kenà en edusaan su nekepeliyu en sikandin te kepepatey ne warà edtemanan din, ne ebpekeubpà en diyà te Eleteala taman te taman.

Juan 6:29

Ne midtavak si Hisus te, “Ini se ul-ulaa niyu su apey kew ebpeketuman te kiyug te Eleteala, peretiyaya kew kedì ke midsuhù te Eleteala.”

Ruma 10:3

Su warà dan metueni te ruen ralan ne mibeelan te Eleteala te kebmetidtu ran diyà te etuvangan din, ugaid ne mibaalvaal dan te kandan dà ne ralan ne warà dan telimaa ke ralan te Eleteala ne kebmetidtu ran.

Ruma 3:22

Ne ini ke impayag din ne ralan te embiya ebperetiyayaan tew si Hisu Kristu ne iyan kedtengteng te Eleteala keytew ne metidtu ki riyà te etuvangan din. Su piya engkey ne etew ne ebperetiyaya ki Hisu Kristu ne iyan kedtengteng kandin te Eleteala ne metidtu diyà te etuvangan din, su warà ebpedlebien din dut te menge etew.

Ruma 4:24

Su ingkeragkes kiyu red dema su apey iyan din kedtengteng keytew ne metidtu sabap dut te kebperetiyaya tew te sikandin ke mibanew ki Hisus ne Kerenan tew.

Ruma 4:3

Ne netuenan tew ini su ruen impesurat ne Lalag te Eleteala ne egkahi te, “Mibperetiyaya si Abraham dut te impasad te Eleteala kandin, tembù be iyan kedtengteng te Eleteala kandin ne metidtu.”

Ruma 4:6

Ini ve ke impesabut dengan ni Dabid te nekahi rin ke kegkehalew rut te etew ne kenà iyan din dà edserihan ne sabap dut te keupiya te ulaula rin se ebpekemetidtu kandin diyà te etuvangan te Eleteala, ugaid ne ke sarig din te Eleteala.

Pilipus 3:9

wey apey a ebpekidseveka kandin. Su kenà ke keduma ku rut te penduan ne iyan kedtengteng te Eleteala kediey ne metidtu, ugaid ne ke kedsarig ku rà ki Hisu Kristu. Su ibpetidtu a te Eleteala su sabap dut te kedsarig ku ki Hisu Kristu.