Ruma 4:21 - Ke meupiya ne tudtul mekeatag ki Hisu Kristu

²¹ Su mevaher ke hinawa rin te ruen gehem te Eleteala te edtuman dut te pasad din.

Ruma 4:21 ပူးပေါင်းရင်းမြစ်များ

Mateo 19:26

Ne midtengteng si Hisus kandan ne migkahi en te, “Embiya etew rà ne kenà dan ebpekegaga ne egaked te umur ne warà edtemanan din, ugaid ne Eleteala se ebpekegaga ne ebehey kandan su egkegaga te Eleteala ke langun taman.”

Lucas 1:1

Diyà te ki Teofilo: Merakel en se menge etew ne migeram midsurat te guhud mekeatag te ned-ulaula ni Hisus kayi te kenami.

Lucas 1:37

Su embiya Eleteala, ne egkeveelan din ke misan engkey en.”

Lucas 1:45

Tembù be midtuvaran ka, Maria,” ke si Elisabet, “su mibperetiyaya ka te egketuman iya ke impesabut kenikew dut te suluhuen te Eleteala.”

Ruma 14:4

Tembù be kenà kiyu edsawey te menge ruma tew. Su warà kevenar tew te edsawey te sugsuhuen te ruma ne etew. Su iyan dà edsawey kandin ne ke egelevekan din ke midtuman din be ke mibpeveelan kandin etawa warà. Ne netuenan tew ne ebpekegaga si Hisu Kristu ne edtavang dut te menge sugsuhuen din su apey ran med-ulaula ke meupiya.

Ruma 14:5

Duen duma ne mibperetiyaya ne egkahi te, “Ruen kun andew ne egkeedatan pà dut te ruma ne menge andew.” Ugaid ne ruen pà ruma ne egkahi te, “Langun ne menge andew ne neked-iring, tembù be kenà ki ebaal te seveka ne iyan dà egkeedatan dut te ruma rin.” Ugaid ne iyan ku egkehiyen ne kenà kew duwaruwa ke engkey se metidtu ne ulaula diyà te etuvangan te Eleteala.

Ruma 8:38

Su netuenan ku ne warà misan engkey en ne ebpekepebelag kenitew dut te rekelà ne limù te Eleteala kenitew, misan keuyag etawa kepepatey, misan menge suluhuen te Eleteala etawa ke ruma pà ne egkamal diyà te langit etawa piya engkey en ne ruen ketehel din ne ebpekeandek, misan ini se egketemanan tew te guntaani en etawa ke ebpekeuma keuremà, ne warè ebpekepebelag kenitew dut te limù din keytew.

2 Kurintu 9:8

Su ebpekegaga ke Eleteala ne ebehey keyta te muna pà dut te pegingawà ta su apey warà kurang ta te ebehey riyà te menge ruma ta ne ruen kurang dan.

2 Timoteo 1:12

Tembù be egkerasey ad ini te bilengguan. Ugaid ne kenà ku igkeyeyai su netuenan ku se Eleteala ma se edserihan ku. Ne netuenan ku rema se ebpekegaga sikandin ne edtuganur kedì te langun ne helevek ne insarig din kedì taman ketà te hewii ne kedlived din te egkukum kenitew.

Hibruhanen 11:13

Langun kayi ne menge etew te migkahi ku geina ne warà migkurang ke sarig dan te Eleteala taman te minatey ran, misan warà den pà medtelimà arà se impasad kandan te Eleteala te biviyag den pà. Su netuenan dan se ebpekeuma ke hewii te edtumanen te Eleteala ke impasad din kandan, ne taman be te biviyag den pà ne impesabut dan te sikandan ne nekererepuan den dà kayi te ampew te dunya.

Hibruhanen 11:19

Su nepegitung ni Abraham se misan ed-imetayan din ke anak din si Isaac su ibehey rin te Eleteala, ne ruen gehem te Eleteala te ebenawen din ded sikandin. Ne benar ne ebpekeiring te nevanew sikandin, su embiya warà ungena te Eleteala si Abraham ne nepatey rin en ke anak din.