Ruma 4:20 - Ke meupiya ne tudtul mekeatag ki Hisu Kristu

²⁰ Warà meewà ke sarig din su kenà duwaruwa te hinawa rin ne edtumanen te Eleteala ke impasad din kandin. Ugaid ne gewii rin te ebpenenahad ne ed-ilut dema ke sarig din wey mideyù din ke Eleteala.

Ruma 4:20 ပူးပေါင်းရင်းမြစ်များ

Mateo 9:8

Guna su nekita rut te langun ne menge etew ketà ne nengeandek dan, ne nereyù dan ke Eleteala su imbehey rin te menusiyà ini se gehem ne iring kayi.

Lucas 1:18

Mighahi si Zacarias diyà te suluhuen te Eleteala te, “Maan engkey ve se idtuus ku te benar ini se migkahi nu? Su siaken ne lukes en, ne lukes en dema ke esawa ku.”

Lucas 1:45

Tembù be midtuvaran ka, Maria,” ke si Elisabet, “su mibperetiyaya ka te egketuman iya ke impesabut kenikew dut te suluhuen te Eleteala.”

1 Kurintu 16:13

Na guntaani ve, menge suled ku, ne uram kew te keduma niyu ki Hisus. Ne itindehi niyu te mevaher ke kebperetiyaya niyu ki Hisu Kristu. Kenà niyu igkeyeyai ne ibpekita niyu ke keduma niyu te kiyug te Eleteala, ne kenà niyu igkeandek te keduma kandin misan egkerehenan kew.

2 Kurintu 12:10

Ketà be ne ingkehalew ku su piya engkey se ebpekerumpak kedì iring te meluvey se lawa ku, kebpegkeyaa kedì, kemerehenan ku, kebpesipelaa kedì, etawa kemeresayen ku su atag te kedsarig ku ki Hisu Kristu, langun kayi ne egketigkeran ku su embiya ebmeluvey a ne ebeheren a rin dut te gehem din.

Ipisu 6:10

Ne ini se mewri ne egkehiyen ku. Na geina te mibpekidseveka kew ki Hisu Kristu, ne nganey kew kandin te ebmevaher ke sarig niyu su sikandin ke ruen dekelà ne gehem din te edtavang.

2 Timoteo 2:1

Sikew, Timoteo, ne iring te tuney ne anak ku, iluta nu ke kedsarig nu su iyan edtavang keykew ne si Hisu Kristu genat te mibpekidseveka ka kandin.